АНУ-ын төлөөлөгчдийг суулгасан онгоц ОХУ-ын агаарын хилээр орж иржээ

Арабын нэгдсэн Эмиратаас хөөрсөн АНУ-ын онгоц ОХУ-ын хилээр орж ирсэн талаар хойд хөршийн хэвлэлүүд мэдээллээ. Урьдчилсан байдлаар, уг онгоцонд АНУ-ын албан ёсны төлөөлөгч Стив Уиткофф, Жаред Кушнер нар сууж яваа бөгөөд өнөөдөр ОХУ-ын Ерөнхийлөгч В.Путинтай уулзах юм байна. Тэд Абу Дабид болсон гурван талт уулзалтын үр дүнг хэлэлцэх гэнэ.

Арабын нэгдсэн Эмиратад болсон уулзалтын төгсгөлд Жаред Кушнер хэлсэн үгэндээ ОХУ, Украины байр суурьт бодитой зөрүү байгаа ч АНУ ахиц гаргахыг хичээж байгаа бөгөөд энх тайван тогтоох асуудлыг илүү өргөн хүрээнд авч үзэж байна гэж мэдэгдсэн юм.   

Онгоц Внуково нисэх буудалд газардсаны дараа АНУ-ын төлөөлөгчид В.Путинтай уулзахаар хөдөлнө.