ЧУУЛГАН: СЗХ-ны дарга Т.Жамбаажамцыг ажлаас нь чөлөөлсөнгүй

УИХ-ын Чуулганы өнөөдрийн нэгдсэн хуралдаанаар Санхүүгийн зохицуулах хорооны дарга Т.Жамбаажамцын гаргасан ажлаасаа чөлөөлөгдөх хүсэлтийг хэлэлцэж, гишүүдийн олонх нь дэмжсэнгүй.

Т.Жамбаажамц дарга ажлаасаа өөрийн хүсэлтээр чөлөөлөгдөхөөр өргөдөл гаргасныг  өмнө нь Эдийн засгийн байнгын хорооггор хэлэлэн дэмжээд байсан юм.

Улмаар уг асуудлыг УИХ-ын чуулганд танилцуулж, нууц санал хураалт явуулахад гишүүдийн олонх дэмжээгүй тул ажлаас нь чөлөөлсөнгүй.

Санал хураалтын дүн гарсны дараа УИХ-ын дарга С.Бямбацогт "ББСБ-ын зээлийн хүү жилийн 60%-д хүрч банк бусын мөнгө хүүлэлт иргэдийг сөхрөөж байгаа тул Санхүүгийн зохицуулах хорооны даргыг ажлаас нь чөлөөлөх асуудлыг УИХ-ын чуулганаар хэлэлцүүлсэн ч гишүүд дэмжсэнгүй" гэсэн байна.

Т.Жамбаажамцыг УИХ чөлөөлсөн бол оронд нь “С.Бямбацогтын хүн” гэгддэг УИХ-ын Тамгын газрын дэд дарга Ц.Одхүүг томилох асуудал улс төрийн хүрээнд яригдсан талаар бид өчигдөр мэдээлсэн билээ.