Э.Бат-Үүл: Төрөөс төрсөн наядтангуудын хулгайгаа дэлгэлцэж байгааг хараад гол харлаж сууна

Хотын дарга асан Э.Бат-Үүл цахим хуудсаараа дамжуулан байр сууриа илэрхийлжээ.

Тэрбээр, “Төрөөс төрсөн их наядтангуудын хулгайгаа дэлгэлцэж байгааг хараад дотор харанхуйлж, гол харлаж сууна. Тэдний хулгайлсан энэ их мөнгөөр гэр хорооллын дахин төлөвлөлтөө хийсэн бол өдийд гэр хороолол таун хаус хороолол болчихсон, Улаанбатар нэг ч яндангүй, модон жорлонгүй, Азийн цагаан дагина болох байлаа шүү дээ. Сургууль,цэцэрлэгийн дутагдал үгүй болох байлаа шүү дээ.

Намайг хорлох гэж гэр хорооллын дахин төлөвлөлтийг зогсоосон гэж би бодож байсан. Тэр үнэн. Гэхдээ мөн, тэдэнд гаргах мөнгийг нь идэх бүтцээ бий болгох гэж зогсоосон байжээ.

Гэр хорооллынхон маань даанч харанхуй, арчаагүй юм. Энэ бузар хэргийн эсрэг тэмцэлд тэднийг босгох гэж зүтгээд бараагүй. МАН-д худалдагсан новшийн троллуудад цааш нь ярих уу, яах уу” гэжээ.