Хан-Уул дүүргийн үндэсний үйлдвэрлэгчдийн нэрийн барааны дэлгүүрийн нээлт боллоо

"Хан-Уулд үйлдвэрлэв" нэрийн барааны дэлгүүр Хан-Уул дүүргийн 6 дугаар хороонд байрлах "Номин макро молл"- д нээлтээ хийж, Хан-Уул дүүргийн засаг дарга Б.Цэрэн, Засгийн газрын хэрэгжүүлэгч агентлаг Жижиг, дунд үйлдвэрийн газрын Мэдээлэл технологи, зах зээл борлуулалтын хэлтсийн дарга Б. Батболд, НЖДҮДТөв ерөнхий менежер М.Сувд-Эрдэнэ, Хан-Уул дүүргийн ЖДҮДТөвийн дарга Т.Рэгзэдмаа нар оролцлоо.

Тус дэлгүүрт Хан-Уул дүүргийн 17 үйлдвэрлэл эрхлэгчдийн 80 гаруй нэр төрлийн бараа, бүтээгдэхүүнийг худалдаалж эхэлсэн нь борлуулалтыг нэмэгдүүлэх, үндэсний үйлдвэрлэлийг дэмжих, баялаг бүтээгчдэд зах зээлээ өргөжүүлэх боломж бүрдүүлж буй чухал ач холбогдолтой юм.