Э.Бат-Үүл: Манай нам засагт орж байгаа бол Ерөнхийлөгчийн сонгуулийг МАН-д тавьж өгөхөөр тохирсон байж таараа

Сүүлийн өдрүүдэд Ардчилсан нам хамтарсан Засгийн газарт орох тохироо хийгээд байгаа гэх мэдээлэл цацагдаад байгаа билээ.

Үүнтэй холбогдуулан Хотын дарга асан Э.Бат-Үүл байр сууриа илэрхийлэв. Тэрбээр "Үнэхээр манай нам МАН-ын засагт орж байгаа бол Ерөнхийлөгчийн сонгуулийг МАН-д тавьж өгөхөөр тохирсон байж таараа. Энэ бол эрин зууны урвалт болно.

Ардчилсан намыг нурааж, МАН-ыг 2027 болон 2028 оны сүйрэлээс нь аврах шинэ МАНАН бий болж байна гэсэн үг. Ардчилсан намын 200 000 гаруй гишүүд, тэдний үр хүүхдүүдийн ирээдүйгээр тоглох болно. Манай намын жирийн гишүүд, намаа аврах Их тулаанд бэлдэх цаг болж дээ. Би лав бэлэн шүү" гэжээ.