Халуун сэдэв2 цаг 6 минутын өмнө
Халуун сэдэв2 цаг 6 минутын өмнө
УИХ-ын Чуулганы хуралдаанаар Монгол Улсын Ерөнхийлөгчийг үүрэгт ажлаас нь чөлөөлөх асуудлыг хэлэлцэж байна.
С.Эрдэнэболд гишүүн “Оршилд нь, өнөөдрийн бидний хэлэлцэж байгаа асуудал бол МАН-ын ялзралыг хэлэлцэж байна. Ерөнхийлөгч үүрэгт ажлаа хийх боломжгүй болох гэж яг юуг хэлэх вэ гэдгийг нарийвчлах шаардлагатай юм байна” гээд Ерөнхийлөгчөөс “Та бүрэн эрхийн хугацааныхаа 90 хувийг эдэлжээ. "Баялагтаа эзэн Монгол" хөтөлбөр тань хэдэн хувьтай биелсэн бэ?”, “Таныг "Эргэж ирдэг" гэж байна. Та эргэж ирэх үү”, “ҮАБ-ын үзэл баримтлалыг батлуулчихаад бууж болсонгүй юу” гэсэн гурван асуулт асуусан.
Ерөнхийлөгч энэ асуултад “Ерөнхийлөгчийн нэр төрийг хуулиар хамгаална гэж заасан байдаг ч хамгаалах юм юу ч байхгүй юм билээ. Эрүүгийн хуульд “Гүтгэх” гэж заалт байсныг авч хаясан. Гаднаас гүтгэлэг хийж байгаа хүн ирсэн ч ямар ч хариуцлага хүлээхгүй. “Гүтгэх” гэдэг заалтыг авч хаяснаас болсон. Одоо та нар ч гүтгүүлнэ.
Эргэж ирэх тухайд, эх орон хэрэгтэй гэвэл би хаана ч очно. Үндэсний аюулгүй байдлын үзэл баримтлалыг боловсруулж бэлэн болгосон байгаа. Яг өргөн барих гэж байтал ийм юм болчихлоо” гэж хариулав.
Харин мөрийн хөтөлбөрийн биелэлтийн талаарх асуултад хариулсангүй.
АНХААРУУЛГА: Уншигчдын бичсэн сэтгэгдэлд Zuv.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

November 15, 2026