Ардчилсан намын нэр дэвшигчид сурталчилгаагаа тойрогтоо эхлүүллээ. Хангайн бүс буюу 1 дүгээр тойрогт Ардчилсан намын 9 нэр дэвшигч өрсөлдөж буй. Тус бүсэд намаасаа итгэл хүлээн нэр дэвшиж буй тэдний дунд УИХ-ын гишүүн С.Ганбаатар, Д.Ганбат, А.Адъяасүрэн нар багтаж байна. Харин бусад 6 нэр дэвшигчийн хувьд улс төрд шинээр орж байгаа чадварлаг залуус багтжээ. Тодруулбал, хуульч О.Алтангэрэл, “UB cab” компанийг үүсгэн байгуулагч, бизнесмен П.Мөнхтулга, Хөдөлмөрийн баатар Д.Жаргалсайхан, залуу бизнес эрхлэгчид болох Г.Хосбаяр, Э.Болорчулуун, Д.Цогтбаатар нар багтаж буй юм. Ардчилсан намаас хангайн бүсэд өрсөлдөж буй 9 нэр дэвшигч бүс нутгаа хөгжүүлэх өөр өөрсдийн төлөвлөгөөтэй, хийж бүтээх зорилт тавьснаа сурталчилгааны нээлтийн үеэр илэрхийлэв. Улс эх орноо өөрчлөн хөгжүүлэх тэдний хүсэл зоригийг дэмжиж буйгаа иргэд илэрхийлж, ялалт байгуулахыг ерөөлөө.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна