Говийн нэр дэвшигчид Говьсүмбэр аймагтаа нээлтээ хийж, иргэд сонгогчидтойгоо уулзлаа

Сонгуулийн 2 дахь өдөр манай говийн нэр дэвшигчид Говьсүмбэр аймагтаа нээлтээ хийж, иргэд сонгогчидтойгоо уулзлаа.

Б.Саранчимэг: Та бүхний минь итгэл хүлээлгэсэн их хариуцлагын 4 жилд Монгол Ардын Нам, манай Засгийн Газар, УИХ-ын гишүүд хамтдаа зүтгэж, хичээн ажилласны үр дүнд Монголчууд бид дэлхий нийтээр туулж ирсэн бэрхшээлийг амжилттай даван туулж, эдийн засгийн өсөлт 7 хувьд хүрлээ. Энэ хирээр та бидний ажил амьдрал өөдлөн дэвжиж, улс орон хөгжин цэцэглэх үндсийг ургуулж чадлаа.

Өнгөрсөн 4 жилд УИХ-ын Байгаль орчин, хүнс хөдөө аж ахуйн байнгын хорооны дарга, УИХ-ын гишүүнээр ажиллахдаа “Ус бохирдуулсны төлбөрийн тухай хуульд нэмэлт, өөрчлөлт оруулах тухай” хуулийн төслийн Ажлын хэсгийн ахлагчаар ажиллаж, УИХ-аар батлуулсан нь говийн бидний хувьд маш чухал бодлогын шийдвэр болсон. Мөн Газрын тухай хуульд бэлчээрийн асуудлыг зохицуулахтай холбоотой заалт, малчин, хувиараа хөдөлмөр эрхлэгч нар болон ахмад настан, хүүхдийн мөнгөн тэтгэмжийг нэмэгдүүлэх, хамгийн сүүлд ШИНЭ ХОРШОО, МАЛЧНЫ ТУХАЙ ХУУЛь зэрэг хөдөөгийн зон олны амьдралын чанарт ахиц болохуйц хуулийн төслүүдэд идэвхийлэн оролцлоо.

Манай нам 2020 оны сонгуульд ХҮЧЭЭ НЭГТГЭЖ, ХАМТДАА ЗҮТГЭЕ уриатай оролцсон. Энэ уриандаа, энэ амлалтдаа хүрч чадсанаар өнөөдөр Монгол улс анх удаа Алсын Хараа-2050 урт хугацааны бүсчилсэн хөгжлийн бодлогыг УИХ-аар батлуулж чадсан. Өмнөговь, Дундговь, Дорноговь, Говьсүмбэр аймгуудыг хамруулж говийн цогц бүс болгож байгаа. Тиймээс говьчууд бид хүчээ нэгтгэж, ХҮНДЭЭ ХҮРТЭЭМЖТЭЙ ӨСӨЛТИЙН ТӨЛӨӨ, БАЙГАЛЬДАА ЭЭЛТЭЙ ХӨГЖЛИЙН ТӨЛӨӨ мөн НОГООН ГОВИЙН ТӨЛӨӨ сонголтоо хийх чухал цаг ирж байна.