Б.Мөнхсоёл: Усны нөөц бүхий онцгой хамгаалалттай газар барилга барих боломжтой болгочихсон хуулийг өөрчлөх ёстой

УИХ-ын гишүүн Б.Мөнхсоёлоос Усны тухай хуультай холбогдуулан байр суурийг нь тодрууллаа.

Тэрбээр, “Усны нөөц бүхий онцгой хамгаалалттай газарт барилга барих боломжтой болгосон хуулийг өөрчлөх ёстой. Хууль эрх зүйн орчных нь хамгаалалтын саадыг авчихсан байгааг л буцаагаад оруулж ирэх гэж байгаа юм.

Хамгийн наад захын жишээ нь “Туул голоо хамгаалъя” гэдэг хөдөлгөөний үеэр үүссэн усны нөөц ундарга болсон газраа л хамгаалах юм. Үерийн далангаа бариагүйгээс болоод барилга барьчихдаг. Гэтэл 2023 онд “Сэлбэ” голын дагуу үер болоход ямар олон айл эд хөрөнгөөрөө хохирсон билээ. Тэгэхээр зөвхөн усны нөөцөө хамгаалахаас гадна энэ мэт асуудлыг шийдэж байгаа гэсэн үг” гэлээ.