Г.Дамдинням: Шатахууны агуулах барих ажлыг ирэх оны төгсгөлд дуусгана

Аж үйлдвэр эрдэс баялгийн сайд Г.Дамдиннямаас цаг үеийн асуудлаар тодрууллаа.

Тэрбээр, “Шатахууны агуулах барих ажлыг ирэх оны төгсгөлд дуусгана. Энэ бол их том бодлого явж байгаа. Олон жил хэн ч хийж байгаагүй ажил. 30 тэрбум төгрөгийн эх үүсвэр тавьсан байгаа. ААН-үүдтэй хамтарч зээлийн хүүгийн татаас өгөх зарчмаар хийгдэнэ.

Манайх бусад яамдаасаа хамгийн бага төсөвтэй. Шатахууны зөрчлүүдтэй холбоотой асуудлыг харьяа газраас нь асуух хэрэгтэй байх. Шалгалтын ажиллагаа үргэлжилж байгаа. Үнэтэй холбоотой асуудал дээр манай яамнаас үнээ гаргаад өгчихсөн. Одоо Сангийн яамны шийдэх асуудал үлдсэн” гэлээ.