Америкийн Ньюаркаас Шотландын Глазго руу нисч явсан United Airlines-ын онгоцны нисгэгч нислэгийнхээ үеэр бизнес ангиллын суудал дээр унтаж, зорчигчдыг шоконд оруулжээ.
Ахлах нисгэгчийн унтаж байгаа зургийг зорчигчдын нэг нь болох тэтгэвэртээ гарсан нэгэн цагдаа авчээ. Тэрбээр нисгэгч хажуудаа дүрэмт хувцсаа нямбайлан эвхэж тавиад 1,5 цаг орчим унтаж байгаад кабиндаа орсон гэжээ.
Энэ бол байж боломгүй зүйл хэмээн зорчигч тэмдэглэсэн байна. Тэрбээр нисгэгчдийн унтаж амрах ёстой, гэхдээ зорчигчдын нүдэн дээр амарч болохгүй хэмээжээ. Учир нь тэд хэдэн зуун хүний амь насыг хариуцан яваа хүн гэж үзжээ.
Уг онгоц Шотландад амжилттай газардсан байна. Харин компанийн зүгээс нисгэгчид далай дамнасан ийм нислэгт амрах эрхтэй, угаасаа гурван хүний бүрэлдэхүүнтэй нисгэгч ажилладаг гэж тайлбарлажээ.
Сэтгэгдэл бичигдээгүй байна