Монгол Улсын Засгийн газар, Хүнс, хөдөө аж ахуй, хөнгөн үйлдвэрийн яамны шийдвэр, Мал эмнэлгийн ерөнхий газрын хэрэгжүүлж буй шүлхий өвчнөөс урьдчилан сэргийлэх, тэмцэх арга хэмжээний хүрээнд ОХУ-ын Мал, амьтны эрүүл мэндийг хамгаалах холбооны улсын төв (FGBI "ARRIAH")-д 2026 оны 7 дугаар сард үйлдвэрлэсэн, 2.0 сая тун О, SAT-1 хэвшлийн шүлхий өвчнөөс сэргийлэх вакциныг 2026 оны 7 дугаар сарын 25-ны өдөр Улаанбаатар хот дахь “Интердесишн” гаалийн хяналтын талбайд хүлээн авав.
Ингэснээр, вакциныг тусгай зориулалтын хөргүүртэй тээврийн хэрэгслээр 2026 оны 7 дугаар сарын 25–27-ны өдрүүдэд холбогдох аймаг, орон нутагт бүрэн хүргэх ажлыг шуурхай зохион байгуулж, Мал эмнэлгийн ерөнхий газрын даргын 2026 оны 7 дугаар сарын 9-ний өдрийн “Шүлхий өвчнөөс сэргийлэх яаралтай дархлаажуулалт зохион байгуулах тухай" А/203 дугаар тушаалын дагуу өнөөдрөөс /2026.07.27/ эхлэн нэмэлт дархлаажуулалтын ажлыг эхлүүлээд байна.
Дархлаажуулалтад дараах эрсдэл бүхий бүс нутгийн мэдрэмтгий мал сүрэг хамрагдана. Үүнд, Баян-Өлгий аймгийн 4 сумын 683.7 мянган толгой мэдрэмтгий мал, Ховд аймгийн 8 сумын 1.0 сая толгой мэдрэмтгий мал, Говь-Алтай аймгийн 110.0 мянган толгой үхэр, Увс аймгийн 283.3 мянган толгой үхэр, Завхан аймгийн 284.4 мянган толгой үхэр сүрэг нийт 2.3 сая гаруй мал хамрагдах юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна