Оймсондоо авлигын мөнгөө нуусан Н.Баярсайхан нарыг өнөөдөр шүүнэ

2020 оны 09 сарын 21

Авлигын мөнгөө оймсондоо нуусан  МХЕГ-ын Экспорт, импорт, хилийн хорио цээрийн хяналтын хэлтсийн дарга асан Н.Баярсайхан, тус газрын Экспорт, импорт, хилийн хорио цээрийн хяналтын газрын дарга Э.Аззаяа нарын зургаан хүнд холбогдох хэргийн шүүх хурал өнөөдөр /2020.09.21/ 09:30 цагт  болно. 

Тэдэнд холбогдох шүүх хурал энэ сарын 14-нд товлогдсон ч  шүүгдэгч Э.Аззаяагийн өмгөөлөгч Ц.Дэлгэрням нь шүүх хуралдаан давхардсан тул шүүх хуралдааныг хойшлуулах хүсэлт ирүүлсэн, шүүгдэгч Д.Төмөрбаатарт тов мэдэгдсэн боловч хүндэтгэн үзэх шалтгаангүйгээр ирээгүйгээс хойшлоод байсан юм.

Шүүх хуралдаанд хүндэтгэн үзэх шалтгаангүйгээр ирээгүй  шүүгдэгч Д.Төмөрбаатарт цагдан хорих таслан сэргийлэх арга хэмжээ авч,  Н.Баярсайхан, Э.Аззаяа нарт авсан Монгол Улсын хилээр гарахыг хязгаарлах хязгаарлалт тогтоох, С.Бүрэнтөгс, Г.Элдэв-Очир, Ж.Тэгвандан нарт авсан хувийн баталгаа гаргах таслан сэргийлэх арга хэмжээг  хэвээр  үлдээж шийдвэрлэсэн юм. 

Нийслэлийн Прокурорын газраас шүүгдэгч МХЕГ-ын Экспорт, импорт, хилийн хорио цээрийн хяналтын хэлтсийн дарга асан Н.Баярсайхан, тус газрын Экспорт, импорт, хилийн хорио цээрийн хяналтын газрын дарга Э.Аззаяа нарыг хахууль авсан хэргээр яллах дүгнэлт үйлдэж, шүүхэд шилжүүлээд байгаа билээ. 

 

 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.