Үндэсний сагсан бөмбөгийн холбооны шинэ улирал эхлээд 7 тоглолт дараалан ялалт байгуулаад байсан Милоуки Бакс багийн хожлын цуврал энэ өдөр Бостон хотноо зогслоо. Ти Ди Гардендаа энэ өдөр Бостон Селтикс баг Яннис Адетокунбо тэргүүтэй Милуокигийн залуусыг 117-113 харьцаагаар хожиж, улирлын 6 дахь ялалтаа байгуулжээ. Харин улирлыг 7 дараалсан ялалтаар тэргүүлэгч Милуоки Бакс Торонто Рэпторз, Голден Стейт Уорриорз, Денвер Наггентс багуудын адилаар нэг хожигдолтой болсон байна. Өнгөрсөн улиралд 2 баг плей-оффт учраа таарахад Бостон хотын баг 4-3 харьцаагаар ялалт байгуулан, дараагийн шатны эрхээ авч байсан. Талбайн эзэн Бостон Селтикс багийг энэ тулаанд Кайри Ирвинг 28 оноо 7 ашигтай дамжуулалтаар тэргүүлсэн бол Милуоки Бакс багаас Яннис Адетокунбо 33 оноо 11 самбараас бөмбөг авчээ.
Сэтгэгдэл бичигдээгүй байна