"Цэн тогоруу" талбайгаас 33 сая баррель газрын тос олборлох боломжтой

2020 оны 03 сарын 24

"Петро Матад" компанийн газрын тосны хайгуул хийж буй Тамсагийн сав газар дахь “Цэн тогоруу” нэртэй XX талбайд олборлох боломжтой нөөцийн хэмжээ 20  хувиар нэмэгдсэн байна. Тодруулбал, тус талбай дахь газрын тосны  геологийн нөөцийн хэмжээг 194 сая баррель гэж тооцоолж буй албан ёсоор мэдээлжээ. Үүнээс олборлох боломжтой нөөцийн дундаж хэмжээ 33 сая баррель болж байгаа юм. Тус компани баталгаат нөөцийн хэмжээ нэмэгдэж буй "Цэн тогоруу" болон “Цагаан зээр” талбайг хамруулан олборлолтын зөвшөөрөл авахаар ажиллаж эхэлжээ. Одоогоор талбайн нарийвчилсан нөөц, хөрөнгийн үнэлгээний тайланг боловсруулж, Ашигт малтмал, Газрын тосны газарт хүргүүлсэн байна. АМГТГ материалыг хянаж, баталснаар байгаль орчны үнэлгээ болон бусад төлөвлөгөөнүүдээ шат дараатай батлуулах аж. бүтээн байгуулалтын төлөвлөгөөгөө батлуулах юм.

“Петро Матад” хайгуулын XX талбайн олборлох боломжтой нөөц нэмэгдэж, Засгийн газрын салбар хариуцсан агентлагт нөөцийн тайлангаа өгсөн мэдээлэл гарсантай холбоотойгоор өчигдөр тус компанийн хувьцааны ханш Лондоны биржид тав орчим хувиар өссөн байна.

 

 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.