Монголын эрх баригчид Э.Батшугарыг тагнах оролдлого хийж байсныг “Wikileaks” задруулжээ

2020 оны 09 сарын 28

Монгол Улсын гурав дахь Ерөнхийлөгч Н.Энхбаяр бол ХХI зууны Монголын улс төрийн хэлмэгдүүлэлтийн хамгийн том бай болж, эрх баригчдын “Овоо хараа”-нд байсаар байгааг ард түмэн мэднэ. Тэгвэл түүний хүү  Э.Батшугарыг хүртэл тагнаж, чагнаж  байсан баримтыг “WikiLeaks”  задруулсныг  өнгөрсөн баасан гаригт www.ikon.mn  сайт мэдээлсэн юм.

“WikiLeaks”  бол Австралийн иргэн Жулиан Ассанжийн үүсгэн байгуулсан мэдээллийн  сайт юм. Энэ сайт  2006 оноос хойш   дэлхийн улс орнуудын төр, засгийн  нууц бичиг баримтуудыг дэлгэх болсноор  анхаарлын төвд орж , шуугиулж эхэлсэн билээ.

Тэдгээр баримтууд дотор  нь Монгол Улсын Засгийн газартай холбоотой мэдээллүүд ч гарах болсон. Тэгвэл WikiLeaks-ийн  баримтыг эш болгож   www.ikon.mn сайт мэдээлэхдээ “Монголын  эрх баригчид Италийн кибер тагнуулын Hacking Team компанийн бүтээгдэхүүнийг ашиглан хувь хүний компьютерт нууцаар нэвтэрч, мэдээлэл цуглуулдаг нь батлагдсан.  Монголын Авлигатай тэмцэх газар болон Hacking Team компанийн хооронд тагнуулын программыг ашиглахад гарч буй техникийн алдааны талаар хэдэн зуун имэйл солилцсон байдаг. Тэдгээр имэйлүүд нь хэн гэдэг хүнийг тагнаж байгаагаа нууцалж, зөвхөн “хэрэглэгчийн дугаар” (user’s no) ашиглан харилцдаг байжээ.

Харин ганцхан тохиолдолд Авлигатай Тэмцэх Газрын ажилтан санамсаргүй “batshugar” нэртэй компьютерт тагнуулын программ суулгахад ямар алдаа гарч байгаа талаар Италийн мэргэжилтнүүдэд мэдээлж, техникийн тусламж хүссэн байна. Эндээс харвал Авлигатай Тэмцэх Газар 2013 онд  Ерөнхийлөгч асан Н.Энхбаярын хүү Э.Батшугарыг тагнах оролдлого хийж байсан бололтой” гэжээ.

Дээрх мэдээллийг бүр тодруулбал, WikiLeaks-ийн ил болгосон баримтыг харвал 2013 оны долдугаар сарын 26-нд “Hacking Team” компани руу АТГ-ын и-мэйл хаяг бүхий Өлзийбадрах гэдэг хүн тусламж хүсч мэйл бичихдээ алдаа гаргасан байгаа юм. Зөвхөн хэрэглэгчийн дугаар ашиглан харилцдаг и-мэйлдээ “Batshugar.e” компьютерийг тагнахыг оролдож байгаагаа ил бичсэнийг ийнхүү WikiLeaks мэдээлсэн. 

Ерөнхийлөгч асан Н.Энхбаярыг 2012 оны дөрөвдүгээр сарын 12-ны шөнө хууль хүчний байгууллагууд тэрчигтээ хөдөлж баривчилж байв. Тэгвэл Э.Батшугарыг тагнахыг оролдсон 2013 оны долдугаар сард Н.Энхбаяр өлсгөлөн, тэмцэл дунд өрнүүлсэн шоронгийн өдрүүдийг дуусгаж байсан.  Харин Э.Батшугар тухайн үед Монголбанкны дэд ерөнхийлөгчөөр ажиллаж байсан юм. Тэгэхээр Монголын улс төр, эдийн засгийн  бүлэглэлүүдийн зүгээс Монгол Улсын гурав дахь Ерөнхийлөгч, МАХН-ын дарга Н.Энхбаярыг хянаж цагдаад зогсохгүй, хүүг нь ч бас байнга ангуучилж  байдаг нь ийнхүү гадаад эх сурвалжаар  батлагдаж байна.

Мөн үүний цаана Монголын хууль хяналтын байгууллагууд эрх баригчдын гар хөл болж төсвийн хөрөнгөөр гадаадын компанид өндөр төлбөр төлж энэ мэт хэн нэгнийг тагнах, чагнах үйл ажиллагаа явуулаад сууж байдаг нь зүйд нийцэх үү гэсэн асуудал гарч ирж байна. Хууль хяналтын байгууллагууд одоо ч энэ арга барилаа хэрэглэсээр байгаа юу.

Эх сурвалж: “Зууны мэдээ” сонин

Сэтгэгдэл (4)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 09 сарын 29
103.9.90.130
иргэн

За битгий худал мэдээлэл тараагаад бай Н.Энхбаярын хүү нусан бууг тагнана гэж юу байсан юм , сонгуулийн өмнө Н.Энхбаярын явуулж буй хар ПИАР..

2020 оны 09 сарын 28
111.239.253.108
Иргэн

Хулгайч нариыгаа бүгдийг нь тагнаж чагнахгшй, зөвхөн өс хонзон, хэрэгт хиых, атаа жөтөө, алван тушаалаам унагах зэрэгт хэрэглэж байгаа гэдэг нь ойлгомжитой!! Нийгмээ бүрэн цэвэрлэж эрүүлжүүлэхийн тулд болохгүы бүтэхгүй төрийн албан хаагчид, Сайд дарга нараа бүгдийг нь шудрагаар шалгаач !!!!!

2020 оны 09 сарын 28
202.126.89.179
Иргэн

Төрийн албанд ажиллаж буй хүмүүсийг тагнаж судаллах нь юу буруутай гэж . Шударга ажилвал ямарч но гарахгүй , бусармаг нийгэмд авилга хулгай нүүрэлсэн үед тагнахад юу нь болохгүй гэж . Одоо төрийн албаны аль олигтой , ашигтай албан тушаалыг цөөхөн баяжисан гэр бүлийн хамаатан , үр хүүхдүүд мөнгөөр хахуулдаж авч байна шүү .

Ангууч (192.82.68.120)
2020 оны 09 сарын 28

Том албан тушаалтанд хариуцлага хүлээлгэх үндэслэл байгаа яагаад гэвэл мэдээлэлд ойрхон байдаг юм шүү дээ. Тагнах нь зөв