Зэвсэглэсэн эр Тайландын худалдааны төвд 30 хүний аминд хүрчээ

2020 оны 02 сарын 14

Тайландын зүүн хойд хэсэгт байрлах "Корат-21" худалдааны төвд амралтын өдрүүдэд зэвсэглэсэн этгээд 30 орчим хүнийг буудаж, 50 гаруй хүнийг шархдуулж, олон нийтийг үймээнд автуулжээ. Аюулгүй байдал хариуцсан ажилтнууд өчигдрийн байдлаар "цуст" үймээнийг эцэслэж, дотогшоо зэвсэглэсэн этгээдийг хөнөөснөөс хойш худалдааны төв дөрөв хоногийн дараа дахин нээгдсэн байна.

Уг Корат гэгддэг Нахон Ратчасима дахь худалдааны төвийн үймээнд өртөж нас барсан хүмүүст зориулсан ёслолын арга хэмжээг  200 гаруй буддын шашны лам хуврагууд, тус төвийн бизнес эрхэлэгчид зохион байгуулж, өргөл өргөжээ.

Үүний дараа хүнсний төвүүд нээгдэв. 

Энэ үймээний ёслолын арга хэмжээнд хүрэлцэн ирсэн 24 настай Тацарат Ласваракс "Би Корат хүмүүсийн ёс суртахууны байдлыг дээшлүүлэх зорилгоор буяны ёслолын арга хэмжээнд оролцохоор ирсэн. Мөн би амиа золиосолж, зориг гаргасан хүмүүст эмгэнэл илэрхийлье" гэв. Түүнчлэн 21 настай Ничават Сутьюе Би одоо ч айж байна. Одоо би гарч бүх ажлаа хурдан дуусгаад гэртээ харихыг хүсч байна" гэж хэлсэн юм.

Уг хэргийг үйлдсэн армийн хошууч залуу түүний мөнгийг хуурч авсан командлагчаа буудсаныхаа дараа уг үймээн, халдлагыг эхлүүлсэн байна. Дараа нь тэрээр гудамж, сүм хийд, худалдааны төвд хүмүүсийг алахаасаа өмнө армийн баазаас өндөр хүчин чадалтай зэвсгийг хулгайлсан аж.

Х.Дэлгэрэх

Эх сурвалж: Associated Press

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.