“Diamond Princess” хөлгийн хөл хорио өнөөдөр дуусаж, эхний ээлжинд 500 ахмад настныг буулгажээ

2020 оны 02 сарын 19

Ухань хотоос гаднах коронавирусийн халдварын гол голомтод тооцогдоод байгаа Японы Йокохама хотын боомтод саатуулагдсан “Diamond Princess” хөлөг онгоцонд шинээр 88 хүн халдвар авч, нийт халдвар авсан хүний тоо 542-д хүрчээ.

Энэ нь хөлөг дээрх багийн гишүүн, зорчигч нийлсэн 3700 орчим хүнээс долоон хүн тутмын нэг нь халдвар авсан гэсэн үг юм.

Тэгвэл өнөөдөр “Diamond Princess” аяллын хөлөг дээр тогтоосон 14 хоногийн хөл хорионы хугацаа өнөөдөр дуусаж байгаа тул зорчигчдыг буулгаж эхэллээ. Эхний ээлжинд коронавирусийн шинжилгээний хариу нь сөрөг гарсан 500 ахмад настныг хөлгөөс буулгах юм байна. Мөн хөлөг дээр байгаа нийт 3700 орчим зорчигчийг гурван өдрийн хугацаанд буулгаж дуусгахаар төлөвлөжээ.

Эх сурвалж: NYTimes

Х.Дэлгэрэх

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.