Батга шахаж буй бичлэгүүд яагаад их хандалт авдаг вэ?

2020 оны 07 сарын 03

Дэлгүүр хэсэх донтой хүмүүсийг шопахоликууд гэж нэрлэдэг. Тэгвэл батга шахаж буй бичлэг үзэх дуртай хүмүүсийг попахолик /Popaholic/ хэмээн нэрлэдэг гэнэ. 

 

 

Батга шахаж буй бичлэгийг үзэх үед хүний биед биологийн өдөөлт үүсэж, танд төрөхөөс байдаг жигшил зэвүүцэл төрнө. Мэдээж арьсан дээрх овгор товгор зүйлийг шахаж гаргах хүсэл хүн бүрт байдаг шүү дээ. Батга шахаж буй бичлэг үзсэнээр хүний биед бага хэмжээний допамин ялгардаг учир сэтгэл ханасан мэдрэмжийг уг бичлэгүүдээс авдаг байна. 

 

Watch a preview of Dr. Pimple Popper's new TV show on TLC - Insider

 

2014 онд анх YouTube хуудсанд батга шахаж буй бичлэгээ байршуулсан арьсны эмч Сандра Ли нэгэн хачирхалтай зүйлийг олж мэджээ. Түүний оруулсан батга шахаж буйг ойроос харуулсан бичлэгийг үзэгчид ихээр үзсэн нь түүнд нэгэн гайхалтай бизнесийн санааг төрүүлэв. 

Хүмүүс түүнийг нэрээр нь бус Др. Батга шахагч /Dr. Pimple Popper/ хэмээн нэрлэх болжээ. 

Гоо сайхны мэс засалч, арьсны мэргэшсэн эмч мэргэжилтэй тэрбээр инстаграм, твиттер хуудаснууд дээр нийтдээ 6 сая гаран дагагчидтай бөгөөд түүний бичлэгийг дэлхийн өнцөг булан бүрээс 2 тэрбум хүн үздэг гэсэн тооцоо байдаг. 

Анх мэргэжил нэгтнүүддээ туршлага болгох зорилгоор, мөн үйлчлүүлэгчиддээ батга шахах, арьс цэвэрлэх үйл явц эмчийн нүдээр ямар харагддагийг үзүүлэх зорилготой Youtube хуудсанд бичлэгүүд байрлуулах болжээ. 

 

Dr. Sandra Lee's SLMD Skincare Product

 

Сандра эмч олонд танигдаж, нэр хүндтэй болсныхоо дараа өөрийн арьс арчилгааны SMLD Skincare брэндийг үүсгэн байгуулж, түүнийгээ худалдаалах болсон бөгөөд түүний бүтээгдэхүүнүүд арьсны бүхий л асуудлыг шийдэх шидтэй гэнэ. 

 

Эх сурвалж: ЗӨВ.МН

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.