Н.Учрал: 36 цэцэрлэгт сэтгэн бодох чадварыг хөгжүүлэх төхөөрөмж гардууллаа

2020 оны 09 сарын 16

Өнөөдөр УИХ-ын гишүүн Н.Учрал өөрийн сонгогдсон Сонгинохайрхан дүүргийн 36 цэцэрлэгт хүүхдийн оюун ухааны спортыг хөгжүүлэхэд шаардлагатай тоног төхөөрөмж, гарын авлагуудыг гардуулан өгсөн байна. 

Тэрбээр энэ талаар “Оюуны спортын олон төрөлт хичээлийг хүүхдүүдэд зааж сургаснаар тэдний сэтгэн бодох чадвар хөгжихөөс гадна оюуны мэдлэгээ практикт хэрэглэхэд дөхөм болдгийг бид Финлянд, Швед зэрэг улсуудын жишээнээс  харж болно. Хүн бүрт төлбөр төлөөд хувийн сургууль, цэцэрлэгт хүүхдээ явуулах боломж байхгүй.

Тэгэхээр  “Оюун ухааны академи”-тай хамтран, өнөөдөр Сонгинохайрхан дүүргийн алслагдсан 36 цэцэрлэгт би өөрийн санал, санхүүжилтээр спорт өрөлтийн хичээлийг явуулахад шаардлагатай тоног төхөөрөмж, гарын авлагуудыг албан ёсоор гардуулан өгч байна. 


Харин дараа 7 хоногт 36 цэцэрлэгүүдээс нэг нэг сургагч багшыг  “Оюун ухааны академи”-д  бэлтгэнэ. 4-6 насанд сэтгэн бодох чадварыг хөгжүүлэх чиглэлээр улирал тутам уралдаан тэмцээнүүдийг зохион байгуулах, спорт өрөлтийн хөтөлбөрүүдийг чиглүүлэх зэрэг ажлуудыг дүүргийн хэмжээнд зохион байгуулна. Цаашдаа энэ хөтөлбөрүүдийг нийслэлийн 9 дүүрэгт зохион байгуулахад онцгой анхаарна. Энэ бол боловсролын шинэчлэлийн гол үзэл баримтлал гэж бодож байна.


Хүүхэд бүрт тэгш, хүртээмжтэй боловсролыг түгээн дэлгэрүүлэхэд хүн бүр сэтгэл гарган ажиллаасай хэмээн хүсч байна. Энэ 36 цэцэрлэг бол хамгийн сайн жишиг болно. Энэ хөтөлбөрийг бусад цэцэрлэгүүд, багш нарт түгээн дэлгэрүүлэхэд манай дүүргийн багш нар та бүхэнд дэмжлэг үзүүлэх болно” хэмээлээ. 
 

Т.Номин 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.