Хүүхэддээ үнэхээр л аз жаргал хүсдэг бол бүү тэвч

2020 оны 09 сарын 23

"Хүүхдээ заавал эцэгтэй нь байлгах гээд..." гэх ганцхан шалтгаанаар маш олон эмэгтэйчүүд зоддог,  архичин,  харддаг,  дарамталдаг, хүчирхийлдэг , завхай гээд эр нөхрүүдийг тэвчиж амьдарцгаадаг. Түүнийгээ 30,40 жил хамтдаа "сайхан амьдарлаа" хэмээн баярлан ярьдаг.

Уйлж ,хэрэлдэж,  доромжлуулж, зодуулж байхыг чинь сонсож, харж , шаналж ,айж элгээ  эмтлэн өссөн үрсүүд маань тухайн үедээ хөвгүүд нь би том болоод хэзээ ч!!!!аав шигээ эхнэр хүүхдээ зовоохгүй дээ хэмээн бодож өсөх ч амьдрал дээр эсрэгээрээ бас л яг нэг аав шигээ эхнэр хүүхдээ тамлан хүчирхийлэгч болдог.  Харин охид минь аав шигээ нэгэн хүчирхийлэгч эртэй нөхцчихсөн байх нь олон. Учир нь хүүхэд юу харж өссөн тэр нь түүнд хамгийн том багш , мөн өөрийн эрхгүй дадал болон тархинд нь гүн суучихсан байдаг. 

Мөн үргэлж зодуулж, муу муухай үгээр доромжлуулж байсан эхнэр хүн өвчний үүр болж үлддэг.  Ингээд эрхэм ээж таны миний агуу  тэсвэр тэвчээрийн хүч алсдаа үр хүүхдийнхээ аз жаргалгүй амьдралын үндэс нь болон гүн гэгч ургадаг юм. Тэвчих ёсгүй зүйл бол биеийн болон сэтгэл зүйн хүчирхийлэл юм.

Сайхан амьдарна гэж нэг хар юмтай сууж хүүхэдтэй боллоо гээд насаараа түүнд доромжлуулж, эсвэл зодуулж хичнээн хөөрхөн сайхан байсан охид бүсгүйчүүд намрын навч шиг хагдарч  өөрөө ч түүнээ мэдэхгүй уймраа, аймхай, авгай нар болчихсон байх нь дэндүү харгислал. Тиймээс бүсгүй минь та өөрийгөө хайрла, хүндэл.Өөрийгөө хайрлана хүндлэнэ гэдэг чинь цаагуураа үр хүүхдээ хайрлахын ,хүндлэхийн эхлэл.Муухай газраас явж, муу хогийг хаяж, муудсан новшоо хаяж сурцгаая. Маш олон эмэгтэйчүүд адгийн нөхөр нэртэй новшийн "-Салвал чамайг, хүүхдээ, ах дүү, ээж аавыг чинь эсвэл өөрийгөө ална..." гэх үгэнд нь айж хамт байдаг. Эмд, хүний өөрийн бяцхан үрсдээ баатар , арслан лугаа  авирлах тиймэрхүү новшнууд чинь яс юман дээрээ жинхэнэ арчаагүй "гөлөгнүүд " байдаг юм.Айдсаа даван туулж энэ хүнээс салвал холдвол амар амгалан өөрт минь ч үр хүүхдэд минь ч ирнэ ,би өөрөө түүнийг бий болгож чадна гэдэгт итгэх хэрэгтэй. 

Өөртөө итгэ бүсгүйчүүд минь. Энэ орчлонд жаргах гэж ирсэн болохоос нэгмуу эрээс болж уйлж, шаналж, зодуулж, үр хүүхдээ ч айдастай аймхай , шархадсан болжмор шиг болгон өсгөх гэж чи төрүүлээгүй юм. Ээж аавдаа зодуулаад муу юм болоогүй,  хань нөхөртөө ганц нэг алгадуулалгүй яахын бла ,бла гэсэн хуучинсаг үзэл бодлоос сал. Хэн ч хэнийг ч зодож байх ёсгүй. 

Хажуудахаа жаргааж чадахгүй бол өөрөө ч жаргадаг түүх байхгүй.  Жинхэнэ эр хүн, аав хүн бол ханьдаа, үр хүүхэддээ хурдан ирээсэй... хэмээн санагддаг,  ирмэгц нь гэр дүүрч баярлалдан,  аав, хань нь  халуун сайхан үгс, нүд дүүрэн хайраар гэрээ дүүргэдэг тийм хүмүүс байдаг. Түүнээс аав ирэхэд хүүхдүүд,  эхнэр дальдчин айж , гэр дүүрэн гуниг ,уйтгараар  дүүрч байвал чи хань ч биш ,аав ч биш зүгээр нэгмуу эрийн оронцог гэсэн үг.
Нэг л амьдрах хорвоод эрд нь ч эмд нь ч хүнд хайрлагдаж, үгүйлэгдэхээр амьдрах уу , доромжлуулж  амьдрах уу гэдэг сонголт буй.

Гэр бүлийн хүчирхийлэл , зовлон доромжлолыг бүү тэвч . Насны эцэст хүнд хань хэрэгтэй гэх энэ мунхаг бодлыг тархи толгойноосоо авч хаяцгаая. Муу мулгуу, зовоон тарчлаагч  хань нэртэй адгуус чамайг ч үр хүүхдээ ч яг хортой шавьж шиг урж тасдаж , ирээдүйг чинь бөхөөж байдаг юм бүсгүй минь. 
 

ХУЛГАНАЙН ТЭРГЭЛ

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.