Хаягдал аккумляторыг яах вэ?

2020 оны 09 сарын 30

Монгол улсын хэмжээнд хаягдал аккумлятор хүлээн авдаг 140 гаруй цэг, дөрвөн үйлдвэр бий. 2019 онд Өргөдлийн байнгын хороонд иргэдээс ирсэн гомдлын дагуу холбогдох газруудад чиглэл өгч, тухайн дөрвөн үйлдвэрийг хаасан байна.

Товчхондоо, анх алслагдсан газруудад тус үйлдвэрүүд баригдсан боловч гэр хорооллын айлууд тэлж, хүн амын төвлөрсөн бүсэд орсноор иргэд хортой нөхцөлд амьдрах, амь нас, эрүүл мэндэд сөрөг нөлөө үзүүлж байна гэх үндэслэлээр хаах шийдвэр гарчээ.

Нэг талдаа зөв боловч нөгөө талдаа  үйлдвэр ажиллахгүйгээс болж аккумлятор хүлээж авах 140 гаруй цэгт хаягдал аккумляторуудын хогийн цэг үүссэнээр  аюултай хог хаягдалын хэмжээ нэмэгдэж, гадаргын ус, хөрсний бохирдол, хүхрийн хүчлийн бохирдол ихэссээр байна.  

Энэ асуудлаар Шударга өрсөлдөөн, хэрэглэгчийн төлөө газарт иргэдээс ирсэн гомдлын дагуу тус газраас холбогдох Ажлын хэсэг гарч шуурхай ажиллаж эхэллээ. 

Энэ хүрээнд өнөөдөр ШӨХТГ-ын дарга Б.Бат-Эрдэнэ Нийслэлийн мэргэжлийн хяналтын газрын Байгаль орчин, геологи, уул уурхайн хэлтсийн удирдлагууд болон, хаягдал аккумлятор дахин боловсруулах ААН төлөөлөлүүдийг хүлээн авч уулзлаа. 

Энэ үеэр төрийн байгууллагууд стандарт тавьж, хуулийн хэрэгжилтийг хангуулахдаа аккумлятор хүлээн авдаг цэг, үйлдвэрүүдийг бүр хаагаад орхих биш тодорхой эрсдэлийг тооцож хуулийн дагуу гарцыг нээн ажиллуулах хэрэгтэй хэмээн Шударга өрсөлдөөн, хэрэглэгчийн төлөө газрын дарга Б.Бат-Эрдэнэ онцоллоо. 

Үүнээс гадна баттерейгээр ажилладаг  авто машин болон тэр дундаа приус маркийн автомашины хаягдал баттерейг хэрхэн шийдвэрлэх, импортоор орж ирэхдээ баттерейг нь солих, шинэчлэн оруулж ирэх боломжтой байдаг тухай дурдаад энэ асуудалд ч анхаарал тавин ажиллах Ажлын хэсэг гарган ажиллуулахаар боллоо. Уг асуудлаар ШӨХТГ-ын удирдлагууд ирэх баасан гарагт Монгол Улсад суугаа Японы элчин сайдын яамны 1 дүгээр нарийн бичгийн дарга Мияа Ши Та-тай уулзахаар төлөвлөж байгаа юм байна. 

 

           

Сэтгэгдэл (1)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 09 сарын 30
202.179.21.214
Зочин

Манайд орж ирсэн машин болгон хуучин аккумлятортой байгаа.Приус машины батрейг дахин ашиглах боломжгүй.Эдгээрийг хаана булшилж устгах талаар бодохгүй бол газар шороо маань хэцүүхэн болно.Магадгүй батрейнд цөмийн хаягдал агуулагдаж байгаа ч юм билүү.