Бизнес эрхлэгч та удирдах ур чадвараа сайжруулан үр шимтэй өсөлтийг бий болгохоор төлөвлөж байна уу?
Тэгвэл таныг ХААН Банк “Содура консалтинг” ХХК хамтран зохион байгуулдаг “Бизнесийн менежментийн цогц сургалт” хөтөлбөрт урьж байна.
Уг сургалтад хамрагдсанаар бизнесээ том зургаар нь төлөвлөх, багаа удирдан манлайлах, гүйцэтгэлийг сайжруулах арга техникүүдэд цогцоор нь суралцахаас гадна олж авсан мэдлэг мэдээллээ өөрийн бизнесийн үйл ажиллагаанд шууд хэрэгжүүлж, бусад бизнес эрхлэгчидтэй харилцан туршлага солилцож, хүрээллээ тэлж, урт хугацааны түншлэл үүсгэх боломжийг олгож буйгаараа онцлогтой.
Тус хөтөлбөр нь бүтэн жилийн хугацаанд 3 түвшинд хэрэгжих бөгөөд 1, 2-р түвшний хөтөлбөрт тууштай, идэвх оролцоотой хамрагдан, амжилттай дүүргэснээр байгууллагадаа бизнесийн зөвлөх үйлчилгээ авах тэтгэлгийн эзэн болох боломжтой.
Бүртгэл 2024 оны 3-р сарын 4-ний өдрийг хүртэл явагдана.
Хөтөлбөрт хамрагдах харилцагчдад тавигдах шаардлага:
“Бизнесийн менежментийн цогц сургалт 2024 – Түвшин 1”
“Бизнесийн менежментийн цогц сургалт 2024 – Түвшин 2”
харилцагчид оролцох боломжтой.
Сургалтын агуулга:
| Огноо | Сургалтын агуулга | Хэн хамрагдах вэ? | Хугацаа | Сургалтын хэлбэр | |
| Түвшин 1 | 2024.03.05- 05.01 /Лхагва, баасан гараг бүр 09:00-11:00 цагт/ | Бизнесийн стратеги, хүний нөөц, санхүү, үйл ажиллагаа, борлуулалт гэсэн үндсэн 5 агуулгын хүрээнд оношлох, судлах, төлөвлөх 3 үе шаттайгаар бизнесээ цогцоор нь системтэйгээр удирдах арга, аргачлалд суралцана. | УБ болон орон нутагт жижиг дунд бизнес эрхэлж буй үүсгэн байгуулагч, гүйцэтгэх удирдлагууд | 2 цаг | Цахим |
| Түвшин 2 | 2024.10.09--11.01 /Лхагва, баасан гараг бүр 09:00-13:00 цаг/ | Гүйцэтгэх захирлын удирдах ур чадвар, өндөр бүтээмжтэй багийг бий болгох, багийн гүйцэтгэлийг сайжруулах арга, аргачлалд суралцана. | Түвшин 1 хөтөлбөрт хамрагдсан 50 шилдэг оролцогч | 4 цаг | Танхим |
| Түвшин 3 | 2024 оны 3-11-р сард | 10 аж ахуйн нэгж байгууллагыг сонгон шалгаруулж, 2 сарын хугацаанд үргэлжлэх 20 сая төгрөгийн өртөг бүхий стратеги болон санхүүгийн чиглэлээрх зөвлөх үйлчилгээг тэтгэлгээр үзүүлнэ. | Түвшин 1, 2 сургалтад бүрэн хамрагдаж шалгуур хангасан оролцогчид | 80 цаг | Тэтгэлэгт зөвлөх үйлчилгээ |
Өмнөх жилүүдэд сургалтад хамрагдсан бизнес эрхлэгчдийн сэтгэгдлээс толилуулъя.
Б.Хэрлэн
“Нано импекс” ХХК-ийн Гүйцэтгэх захирал.
(Галын аюулгүй байдлын багаж хэрэгслийн худалдаа, цэнэглэлтийн үйлчилгээ)
“Тус хөтөлбөрт хамрагдсанаар бизнесээ ямар түвшинд явж байгааг хөндлөнгөөс харахаас гадна анхаарах, сайжруулах асуудлууд дээрээ дүгнэлт хийж, цаашид төвлөрч ажиллах чиг баримжаа, замын зургаа олж авлаа.
Түүнчлэн маш сайхан эрч хүчтэй, сурч мэдэх, өсөж дэвжих өрнүүн их хүсэл эрмэлзэлтэй бизнес эрхлэгч найзуудтай болсон маань юугаар ч үнэлшгүй үнэ цэн, үр өгөөжийг надад бий болгож чадлаа. ХААН Банк болон “Содура консалтинг”-ийнхаа зөвлөхүүдэд маш их баярлалаа.”
Ц.Дэжээ
“Топстеп” ХХК-ийн Гүйцэтгэх захирал.
(Овако брэнд – Солонгос гоо сайхны бүтээгдэхүүн)
“Анх 2021 оны намар “Түвшин-1” шатанд хамрагдаад бизнесээ удирдахдаа гаргаж буй алдаагаа олж мэдээд, багшийн заасан, хэрэгжүүлж болохуйц зарим арга туршлагыг компани дээрээ хэрэгжүүлж ажилласан. 2022 онд анхан шатнаас шалгарсан 50 захиралтай “Түвшин 2”-т суралцах боломж гарч, энэ хугацаанд өөрийн удирдах ур чадвар болоод байгууллагын хөгжилд маш өндөр ахиц дэвшил гаргаснаар компаниа одоогийн энэ түвшинд хүргэж чадлаа.
Бид байгууллагаа олон талаас нь оношилж, хамгийн эхлээд санхүүгийн сахилга батыг бий болгосон. Мөн борлуулалтаа нэмэгдүүлэх, маркетингаа сайжруулах алхмуудыг сургалтад хамрагдах хугацаандаа хэрэгжүүлж дууссан. Түүний дараа үргэлжлүүлээд стратеги, алсын хараа, үнэт зүйлээ шинэчлэх, хүний нөөцийн бодлого журамтай болох зэрэг ажлуудыг шат дараатайгаар хэрэгжүүлсэн.
Бас нэгэн үнэлэх боломжгүй өндөр үр дүн бол олон захирлуудын танилцаж, түншилж, нөхөрлөсөн явдал юм. Бид өөр хоорондоо маш их зүйл сурч, харилцан туршлага солилцож, бизнесийн хүрээлэл үүсгэж чадсан.”
Та дараах QR кодыг уншуулж сургалтад бүртгүүлээрэй.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна