Дүлий намын дарга

УИХ-ын сонгууль болж, МАН олонх болсон ч парламентад суудал авсан АН, ХҮН намтай хамтран Засгийн газар байгуулсан. Дээрх намын дарга нар өнөөдөр  “Хурдтай хөгжлийн төлөөх зориг” гэрээнд гарын үсэг зуржээ. 

Гэрээнд, 

•  Монгол Ардын намын мөрийн хөтөлбөрт туссан нийгмийн бодлогын шинэчлэл, бүсчилсэн хөгжлийн бодлого, авлигагүй төр, шударга ёсыг бэхжүүлэх цахим засаглал, эхлүүлсэн томоохон төсөл, хөтөлбөрүүдийг үргэлжлүүлэн хэрэгжүүлэх зорилтууд, 
• Ардчилсан намын мөрийн хөтөлбөрт туссан хүний хөгжил, хувийн өмчийн эрхийн хамгаалалт, технологи суурьтай мэдлэгийн эдийн засаг, бизнес, хөрөнгө оруулалтын орчин, эдийн засгийн эрх чөлөөг баталгаажуулах, шударга төрийн зорилтууд, 
• ХҮН намын мөрийн хөтөлбөрт туссан эрчим хүчний болон боловсролын салбарын реформ, гадаад худалдаа, хөрөнгө оруулалт, төрийн худалдан авах ажиллагааны бодлогыг шинэчлэх, төрийн өмчит компанийн засаглалыг сайжруулах зорилтуудыг багтаасан гэх. 

Гэвч АН-ын бүлгийн гишүүд дээрх асуудалд бухимдалтай байгаагаа илэрхийлсээр байна. 

АН-ын бүлгийн гишүүн Л.Мөнхбаясгалан: АН-ын бүлгийн гишүүд хамтарсан ЗГ ын үйл ажиллагааны хөтөлбөр , гэрээг хэлэлцээд сууж байтал АН ын намын дарга нар гүйж очоод Гэрээг батлаад гарын үсэг зурчихлаа … бүлэг эсрэг шийдвэртэй. Бид үүнийг хүлээн зөвшөөрөхгүй. Бүлэг хариуцлага хүлээхгүй.

АН-ын бүлгийн гишүүн Д.Цогтбаатар: АН бүлэг яг одоо хуралдаж байна. Бүлгийн шийдвэр эцэслэж гараагүй байхад нөхөр Л.Гантөмөр гуай биднийг төлөөлж МАН даргатай гарын үсэг зурж байгаа нь бүдүүлэг байна. Хаа хаанаа ёс зүйтэй баймаар байна шүү нөхдөө.

Тэдний ярианаас дүгнэхэд, Өглөө АН-ын бүлэг хуралдаж байхад, намын дарга Л.Гантөмөр гүйж гараад гэрээнд гарын үсэг зурчихсан аж. Бүлгийн гишүүд эсрэг шийдвэртэй байсан ба яг одоо шуурхай зарлан хуралдаж буй юм байна. Бүлгийн гишүүдийнхээ шийдвэрийг үл хүндэтгэсэн, дүлий намын дарга Л.Гантөмөр ичиг, ичиг. 

СЭТГҮҮЛЧ Э.БУЛГАН