Монгол Улсад гэрээгээр ажил хөдөлмөр эрхэлж байгаа гаднын ажилчдын тоо энэ оны эхний хагаст өнгөрсөн оны мөн үеийнхээс 43 хувиар өсөж, 30,000-д хүрчээ. Эдгээр ажилчдын 70 хувийг БНХАУ-ын иргэд эзэлж байгаа аж.
ҮСХ-ны гаргасан тайлангаас харвал, гаднын ажиллах хүчний:
-26 хувь нь барилга,
-22.8 хувь нь уул уурхайн олборлолт,
-17.7 хувь нь аж үйлдвэр,
-10.7 хувь нь бөөний болон жижиглэн худалдаа, автомашин, мотоцикль засвар,
-5.9 хувь нь эрчим хүч, агааржуулалт,
-3.8 хувь нь боловсрол,
-3.6 хувь нь олон улсын байгууллага, байнгын төлөөлөгчийн газар,
-2.7 хувь нь тээвэр, агуулах,
-6-7 хувь нь бусад салбарт ажиллаж байна.
Дээр хэлсэнчлэн, нийт гадаад ажилчдын 70 хувь нь БНХАУ-ын иргэд бол 11.5 хувь нь Энэтхэгийн иргэд байгаа нь нэг улсаас хамгийн их хүн ажиллуулж байгаа тохиолдол нь аж. Нийт 112 улсын иргэд Монгол Улсад ажиллаж байгаагийн дотор Вьетнам, Бангладеш, Балба, БНСУ, АНУ, ОХУ-ын иргэд бусдаасаа илүү олнон тоотой байна.
Албаны эх сурвалжийн хэлснээр, газрын томс боловсруулах үйлдвэр, Гашуунсухайт-Шанцмод хил холбосон төмөр зам зэрэг том төслүүд хэрэгжиж байгаа нь гаднын ажилчид нэмэгдэх гол шалтгаан болжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна