Тарвас хураахаар яваад алга болсон охиныг 78 хүний бүрэлдэхүүнтэй эрэн хайж байна

Ховд аймгийн Буянт сумын Норжинхайрхан багийн нутагт 10 настай охин сураггүй болсон тухай дуудлага Онцгой байдлын газарт 2026 оны наймдугаар сарын 2-ны 20:40 цагт бүртгэгдсэн байна.

Тодруулбал, охин наймдугаар сарын 1-ний өдрийн 09:00 цагийн орчимд тарвас хураах ажилд явна хэмээн гэрээсээ явган гарснаас хойш сураггүй болжээ. 

Одоогоор эрэн хайх ажиллагаанд:

• Ховд аймгийн Онцгой байдлын газрын Эрэн хайх, аврах салбар;
• Онцгой байдлын 48 дугаар анги;
• Зэвсэгт хүчний 123 дугаар анги;
• Аймгийн Цагдаагийн газар;
• Буянт сумын Цагдаагийн хэсэг;
• Аймгийн Шүүх шинжилгээний газар;
• Сумын Мэргэжлийн анги;
• Ар гэрийнхэн

нийт 78 хүн, 2 морь, 2 мотоцикл, 9 автомашинтайгаар оролцож, эрэн хайж байна.