УИХ-аар байгуулсан Түр хороог удирдаж "Нүүрсний сонсгол"-ыг зохион байгуулсан УИХ-ын гишүүн Б.Энхбаяр фэйсбүүк хаягтаа мэдэгдэл гаргажээ.
Сонголд дуудагдаж оролцсон "Эко глобал ложистик" ХХК Б.Энхбаяр гишүүнийг Чингэлтэй дүүргийн иргэний хэргийн шүүхэд өгсөн юм байна. Тиймээс тэрбээр тус шүүхэд хандан хүсэлт, тайлбар өгснөө ийнхүү олон нийтэд нээлттэй тавьсан байна.
Тэрбээр албан хүсэлтээ "Нүүрсчид нүүрсний сонсгол хийгдэж, илчлэгдсэндээ хорсож, илчлэгдсэн хулгайгаа дахиж хөндүүлэхгүй байж хэргээ замхруулах, цаашилбал эрх мэдлээсээ салж шоронд орохгүй байхын тулд шүүхээр дамжуулж нүүрсний сонсгол зохион байгуулсан УИХ-ын Түр хорооны даргаас “өшөө авч”, айлгаж амыг нь үдэх ажиллагаа хийсээр байгаа. Одоогоор гурван ч шүүхэд. Өнөөдөр нүүрсчид “ялж” байгаа. Тэд ард түмнийг мартамхай, нэхэл хатуу биш, нүглийн нүдийг гурилаар аргалчихна гэдэгтээ итгэж байгаа. Шүүхийн энэ асуудал нь хувь иргэн хоорондын асуудал биш Монгол улсын Үндсэн хуульд заасан институт хоорондын, эрх мэдэл хуваарилах онол ба хэрэгжилтийн хувь заяатай холбогдох жишиг прецедент болох үр дагавартай гэж үзэж шүүхэд хандсан тайлбар, хүсэлтээ нээлттэй тавьж байна. 2024.10.04" гэсэн тайлбарын хамт нийтэлжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.177.240
Хийсэн хэргийг нь ухаад гаргаад ирлээ гэж шүүхэд өгөөд байгаа юм биш үү. Хийсэн хэргийг нь ярьсан хүн шүүхэд очиж байгаа бол хийсэн этгээдүүд нь бүр юунд очих вэ??????????? Шок. Энэ хүмүүсийнхээр бол нүүрсний хулгайг хийх биш илрүүлэх нь л буруу юм байна, ёоооооооо
Хариулах