Үндэсний эвслийн тэргүүн Н.Номтойбаяр Ураны төсөл болон ирэх оны төсвийн төсөвтэй холбоотой асуудлаар мэдээлэл хийлээ.
Н.Номтойбаяр: "Цөмийн энергийн тухай хуулийн төсөлтэй танилцаж хуулийн хэрэгжилтийг дэмжихээр шийдсэн. Гэхдээ цөмийн энергийн тухай хуулийн үр дүнд үүсэх ураан олборлох, Францын засгийн газрын гэрээ хэлэлцээр, тухайн улсын компанитай хамтарч ажиллах төсөл хөтөлбөр анхаарч үзэх хэд хэдэн асуудлууд бий.
2025 оны төсвийг хэлэлцэж байна. Улсын төсвийн орлогын эх үүсвэрийг түүхий нүүрсний зах зээлээс тооцож авч байна. Гэвч түүхий нүүрсний үнэ буурсаар байна. Өнгөрсөн жилийн төсвийн зарлага 20 их наяд байсан бол энэ жил 30 их наяд болсон байна. Орлого талдаа баталгаа байхгүй.
Орлого, зарлагын зөрүү гарахаар төгрөгийн ханш унах нөхцөл бүрддэг. Эцсийн дүндээ цалин тэтгэврийн худалдан авах чадвар буурдаг. Халамж, татвар, нийгмийн даатгалын шимтгэл буурахгүй юм байна.
Бидэнд үргүй, болон тэвчиж болох зардлууд маш их байна" гэлээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна