Үндэстний лигийн хүрээнд явагдах Франц-Израилийн хөлбөмбөгийн шигшээ багуудын тоглолт олон улсын анхаарлын төвд байна. Израилийн шигшээ баг өмнө нь Амстердамд Недерландын шигшээ багтай тоглох үеэр үндэс угсаагаар ялгаварласан халдлага гарч, Изралийн багийн дэмжигчид олноороо зодуулж, хутгалуулсан ноцтой хэрэг гарсан. Тиймээс Францын эрх баригчид энэ удаагийн тоглолтыг цэрэг, цагдаагийн өндөржүүлсэн хамгаалалт дор зохион байгуулахаар бэлтгэлээ хангажээ.
Тоглолт болох цэнгэлдэх орчимд 4,000 цагдаа үүрэг гүйцэтгэх бол нэмэлтээр 2,500 цагдаа ойролцоох гудамж талбай, нийтийн тээврийн орчимд эргүүл хийх аж. Мөн 1600 цагдаа тоглолт үзэхээр хүрэлцэж очсон израиль иргэдийг дагах маягаар хамгаалах юм байна. Тоглолт Монголын цагаар өнөө шөнө болно.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна