Японы мэргэжлийн сүмо бөхийн Кюүшюү башё өнөөдөр 6 дахь өдрөө үргэлжлэн явагдлаа. Фүкүкока хотод болж байгаа Кюүшюү башёг комүсүби Такакэйшёо ганцаараа зургаан даваатай тэргүүлж эхэллээ. Тэрбээр өнөөдөр комүсүби Кайсэйгээр даваагаа ахиулжээ. Мөн озэки Такаясү Тамаваши Б.Мөнх-Оргилыг давснаар таван даваатай болж, тэргүүлэгчдийн хоёрдугаар эгнээнд бичигдэж байна. Түүнтэй адил таван бөх таван даваа, нэг унаатай болсон. Тэдний тоонд Маегэширэ Ооношёо, Дайешёо, Аби, Чиёотарюү, Точиозан нар бичигдэж байгаа юм. Энэ сард 2 аварга өнжиж, Япон аварга тэмцээний дундаас гарснаар залуу бөхчүүдэд түрүүлэх том боломж олдож байна.
Манай бөхчүүдээс Тамаваши Б.Мөнх-Оргил, Чиёошёома Г.Мөнхсайхан нар гурван даваатай болсон бол Таканинова А.Баасандорж хоёр, Ичиножёо А.Ичинноров, Араваши Э.Дөлгөөн нар ганц даваа аваад байгаа юм.
Сэтгэгдэл бичигдээгүй байна