УИХ-ын чуулганы ээлжит хуралдаанаар өнөөдөр 2025 оны Төсвийн тухай хуулийг хэлэлцэж эхэлнэ. Төслийг хуулийн дагуу энэ сарын 1-нээс хэлэлцэж эхэлсэн ч 2025 оны Хөгжлийн төлөвлөгөөг баталсны дараа хэлэлцэх дэгтэй тул МАН-ын бүлэг ажлын тав хоногийн завсарлага авсан юм. Хөгжлийн төлөвлөгөөг өнөөдөр хэлэлцэж батлах тул залгаад Төсвийн тухай хуулийг хэлэлцэх боломжтой болж байна.
Чуулганы хуралдаанаар хэлэлцэх асуудлууд
- “Монгол Улсын Их Хурлын хяналтын сонсголыг зохион байгуулах нарийвчилсан журам батлах тухай” Улсын Их Хурлын тогтоолын төсөл
- “Монгол Улсын Их Хурлын 2024 оны намрын ээлжит чуулганы төлөвлөгөөт хяналт шалгалтын цаглавар батлах тухай” Улсын Их Хурлын тогтоолын төсөл
- “Дэд хорооны бүрэлдэхүүний тухай” Улсын Их Хурлын тогтоолын төсөл
- “Төрөөс мөнгөний бодлогын талаар 2025 онд баримтлах үндсэн чиглэл батлах тухай” Улсын Их Хурлын тогтоолын төсөл /Монголбанк 2024.09.27-ны өдөр ирүүлсэн/
- “Монгол Улсын хөгжлийн 2025 оны төлөвлөгөө батлах тухай” Улсын Их Хурлын тогтоолын төсөл /Засгийн газар 2024.09.27-ны өдөр өргөн мэдүүлсэн, хоёр дахь хэлэлцүүлэг/
- Монгол Улсын 2025 оны төсвийн тухай, Үндэсний баялгийн сангийн 2025 оны төсвийн тухай, Нийгмийн даатгалын сангийн 2025 оны төсвийн тухай, Эрүүл мэндийн даатгалын сангийн 2025 оны төсвийн тухай хуулийн төслүүд /Засгийн газар 2024.08.30-ны өдөр өргөн мэдүүлсэн, нэг дэх хэлэлцүүлэг, үргэлжилнэ/
Сэтгэгдэл бичигдээгүй байна