УИХ-ын сонгуулиас өмнө ИЗНН-д итгэж, хувь нэмрээ оруулъя гэж ирсэн олны танил хүмүүс байгаагүй

УИХ-ын гишүүн М.Нарантуяа-Нараг "Иргэний зориг ногоон нам"-ын дэд даргаас чөлөөлсөн. Уг асуудлаар бид М.Нарантуяа-Нарагаас тодрууллаа.

М.Нарантуяа-Нара: "Өчигдөр болсон үндэсний бодлогын хорооны хуралд бүх гишүүд оролцоогүй. Үүн дээр гомдолтой хүмүүс олон байна. 

Иргэний зориг ногоон нам улс төрийн нам уу, ураг төрлийн нам уу гэдэгт би эргэлзэж байна. Намын даргын төрсөн ах дүү нар энэ намд байна шүү дээ. Үндэсний бодлогын хорооны хурал бол шударга бус явагдсан. Өмнө нь хэзээ ч харагдаж байгаагүй гишүүд энэ хуралд ирсэн. Намын даргын төрсөн ах дүү нар хуралд сууж, намайг дэд даргаас чөлөөлсөн. Гэхдээ энэ шударга бус зүйл. 

Намын нэр хүндэд санаатай халдаж байна гэсэн санал дэвшүүлсэн байна лээ. Би энэ намд орсон цагаасаа эхлээд улс төрийн намыг яавал олон нийтэд хүргэж, илүү дээр нам болгох вэ гэдэг дээр үргэлж анхаарч ирсэн. Би бүх зүйлээ дайчилж ажилласан. Би өнөөдөр энэ намд хууль ёсны зарчим тавьж ажилласан байхад намайг ах дүү нартайгаа нийлж хөөлөө. 

"ИЗНН" дотооддоо ардчилалгүй, шударга бус байгаа цагт яаж иргэдийг төлөөлж ажиллах вэ гэдэгт эргэлзэж байна. Намын даргатай хувийн ямар нэгэн асуудал байхгүй. УИХ-ын сонгуулиас өмнө ИЗНН-д итгэж, хувь нэмрээ оруулъя гэж ирсэн олны танил хүмүүс байгаагүй" гэлээ. 

Дэлгэрэнгүйг доорх бичлэгээс үзнэ үү.