Та Facebook, Instagram хаяг луугаа өнгөрсөн шөнө нэвтрэх гэвч болохгүй байсан уу?
Тэгвэл та ганцаараа биш. Уг хоёр нийгмийн сүлжээ нь дэлхий даяар нэвтэрч болохгүй хэсэгхэн хугацаанд зогсолтонд орсон билээ. Энэ нь Facebook-н түүхэн дэх хамгийн удаан гарч буй алдаа юм. Улаанбаатарын цагаар өнгөрсөн шөнөөс эхлэн эдгээр сүлжээнүүд рүү зарим хэрэглэгч, аппликэйшнүүд нэвтэрч чадахгүй болж, зарим хуудас нь ажиллахгүй байгаа юм. Downdetector.Com сайтын мэдээлж байгаагаар Умард Америк, Ази, Европ, Өмнөд Америкийн олон тооны хэрэглэгч Фэйсбүүкийг ажиллахгүй байгаа талаар мэдээлжээ.
Netscout сүлжээний фирмийн инженер Роланд Доббинс хэлэхдээ уг зогсолт Европын интернет компаны сүлжээнд ачаалал үүсч энэ нь Facebook болон бусад интернет сайтуудын сүлжээнд нөлөөлсөн гэжээ.
Гэвч Facebook-с энэхүү сүлжээний асуудал дээр одоог хүртэл ажиллаж байгаа ба тодорхой шалтгаан мэдээлээгүй байгаа. Албан ёсны твиттер хуудаснаа тэд энэхүү сүлжээний алдааг ямар нэг халдлага эсвэл үйлчилгээг санаатайгаар зогсоосон зүйл биш юм гэдгийг хэлсэн байна.
Эх сурвалж: USA Today
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна