Танилц: Эргэдэг камертай Samsung “Galaxy А80”

“Samsung” компани “Galaxy А80” шинэ ухаалаг утсаа танилцууллаа.  “Galaxy А80” тавдугаар сарын 29-нөөс худалдаанд гарах юм байна.

Шинэ ухаалаг утас нь хүрээгүй дэлгэцтэй бөгөөд эргэдэг камертай учир нүүрэн талд нь тусдаа камер суурилуулах шаардлагагүй болсон байна. Хэрэглэгч селфи зураг авах үед үндсэн камер бүхий механикжсан модуль урагш гарч ирэн, камер бүхий панель нь нүүрэн тал руу эргэдэг аж.

Үзүүлэлт:
- 48 мегапикселийн үндсэн камер
- 123 градусын хэт өргөн өнцгийн линз бүхий 8 мегапикселийн камер болон 3D ToF /гэрэл гаргагч болон тухайн объектод ойсон гэрлийн тусгалын хурдыг хэмждэг тусгай мэдрэгч/ гэсэн гурван камер
- 6.7 инчийн дэлгэц
- 8 ГБ-ын санах ойт 
- 128 ГБ-ын хадгалах хүчин чадалтай юм байна.