Амьдрахад хамгийн таатай болон хүнд хотуудыг тодруулжээ

Дэлхийн нийт хотуудаас хүн амьдрах орчин, нөхцөл бололцооны хувьд хамгийн тааламжтай хотыг илрүүлэх зорилгоор “Economist Intelligence Unit” судалгааны байгууллагын зүгээс жил бүр эрхлэн гаргадаг тайлангийн шинэ жагсаалт танилцуулагджээ. Ингэхдээ, ковид-19 цар тахлын үеийн онцгой нөхцөл байдлаас үүдэн хотуудын үзүүлэлтүүд харилцан адилгүй өөрчлөгдөж, энэ нь жагсаалтын байрлалд ихээхэн нөлөөлсөн талаар мэргэжилтнүүд онцолсон байна.

Тухайлбал, 2018 оноос хойш тасралтгүй тэргүүлж байсан Австрийн нийслэл Вена хот нь энэ удаа жагсаалтын эхний 10 хотын нэгээр ч нэрлэгдэж чадалгүй үлджээ. Харин Шинэ Зеланд, Австрали, Япон зэрэг арлын улсуудын хувьд нөхцөл байдал илүү тааламжтайгаар эргэж, хэд хэдэн хотууд нь байр ахиж чадсан байна. Үүнд цар тахлын үеэр авч хэрэгжүүлсэн арга хэмжээ, шийдвэрүүд нь голлох нөлөө үзүүлсэн хэмээн судлаачдын зүгээс дүгнэж буй юм.

Жишээ нь, Шинэ Зеланд улс ковид-19 цар тахлыг урт хугацаанд, хамгийн үр дүнтэй хязгаарлаж чадсан улсаар нэрлэгдэж байгаа нь жагсаалтыг тэргүүлэгч Окленд хотын үзүүлэлтийг өргөжээ. Үүнээс өмнө тус хот 2017 онд 8-р байранд эрэмбэлэгдэж, шилдэг 10 хотын эгнээнд багтаж байсан түүхтэй.

Амьдрахад хамгийн тааламжтай хотууд:
1. Оклэнд (Шинэ Зеланд)
2. Осака (Япон)
3. Аделэйд (Австрали)
4. Веллингтон (Шинэ Зеланд)
5. Токио (Япон)
6. Перт (Австрали)
7. Цюрих (Швейцар)
8. Женев (Швейцар)
9. Мельбурн (Австрали)
10. Брисбэн (Австрали)
Харин үүний эсрэг үзүүлэлт буюу амьдрах нөхцөл хамгийн тааруу хотуудыг дараах байдлаар жагсаасан байна.
1. Каракас (Колумби)
2. Доула (Камерун)
3. Хараре (Зимбабве)
4. Карачи (Пакистан)
5. Триполи (Ливи)
6. Алжир (Алжир)
7. Дакка (Бангладеш)
8. Порт Моресби (Папуа Шинэ Гвиней)
9. Лагос (Нигери)
10. Дамаскус (Сири)

Х.Есү

Эх сурвалж: https://www.theguardian.com/