Жил болгоны есдүгээр сард технологийн салбарын аварга Apple компани шинэ бүтээгдэхүүнүүдээ танилцуулдаг уламжлалтай билээ. Тэгвэл энэ сард нээлтээ хийх iPhone 13 ухаалаг гар утас аль хэдийнээ цахим ертөнцөөр шуугиан дэгдээгээд амжсан байна.
Тодруулбал, шинэ iPhone 13 ухаалаг гар утасны хэрэглэгчид дуудлага хийх болон мессеж илгээхдээ заавал сүлжээтэй орчинд байх шаардлагагүй төдийгүй сим карт ашиглахгүй ч байж болох аж.
Энэхүү шинэ функц нь үүрэн холбооны асуудалтай ихээхэн тулгардаг, хөдөө орон нутагт амьдардаг хүмүүст ач тусаа хүргэх зорилготой юм.
Хэмжээ
5.4 инчийн Iphone 13 Mini
6.1 инчийн Iphone 13
6.1 инчийн Iphone 13 Pro
6.7 инчийн Iphone 13 Pro Max
Загвар
Iphone 13-ийн спикер утасны орой хэсэгт байрлаж, диагональ камертай байна. Харин Iphone 13 Prо илүү том камертай болох бөгөөд сим картны оруулга, унтраах, асаах товчлуур илүү доор байрлах магадлалтай.
Мөн Face ID байрлах ховил илүү жижиг хэмжээтэй болно. Харин Iphone 13 Pro Мах илүү жижиг ховилтой байх учраас чихэвчний чанга яригчийг дээд хүрээ рүү шилжүүлсэн байх магадлалтай юм.
Өнгө
Хар, мөнгөлөг, алтлаг ягаан, шаргал гэсэн дөрвөн өнгөний сонголттой байна. Үүн дээр хүрэн болон улбар шар өнгө нэмэгдэх магадлалтай.
Цэнэг
Утасгүй цэнэглэгчид зориулсан утасны ард байрлах соронзон ороомог өмнөх загвараас илүү том, хүчтэй болно.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.177.222
Гар утасны операторууд дамдуурахнэ
Хариулах