Өмнө нь хоорондоо тоглож үзээгүй “Интер”, “Манчестер сити” “Аваргуудын лиг”-ийн шигшээд шалгарлаа

Европын хөлбөмбөгийн холбооны “Аваргуудын лиг”-ийн шигшээ тоглолтод Италийн “Интер”, Английн “Манчестер сити”багууд шалгарч үлдлээ.

Пеп Гвардиолагийн “Манчестер сити” Карло Анчелоттигийн “Реал”-ыг хоёр тоглолтын нийлбэр дүнгээр 5:1-ээр /1:1, 4:0/ буулгаж авсан бол “Интер” нэг хотын “Милан”-ыг 3:0-ээр /2:0, 1:0/ хожсон байна.   

Хоёр баг ирэх сарын 10-нд Туркийн Станбул хотын “Ататуркийн нэрэмжит Олимпын цэнгэлдэх”-д цомын төлөө тоглоно. Тэд өмнө нь албан ёсны тэмцээнд нэг удаа учраа таарч байгаагүй аж. “Аваргуудын лиг”-ийн шигшээд шалгармсан хоёр баг өмнө нь хоорондоо тоглож үзээгүй байсан тохиолдол өмнө нь нэг л удаа гарч байсан бөгөөд 2005 онд Английн “Ливерпүүл” Италийн “Милан”-ыг үндсэн цагт 3:3-аар тэнцээд торгуулийн цохилтоор буулгаж авч байв. Сонирхолтой нь, энэ тоглолт мөн л Станбул хотод болж байжээ.