Засгийн газраас туулын хурдны замын төслийг тодорхойгүй хугацаагаар зогсоосон. Гэвч хотын дарга Б.Пүрэвдагва Туулын хурдын замын трассыг өөрчилж, төслөө үргэлжлүүлэх тохиролцоонд хүрсэн гэж мэдээллээ.
Тэрбээр, ""Намайг ажлаа авахад долдугаар сарын 10-ны дотор хэлэлцээр хийж чадахгүй бол асуудал Арбитрийн шүүхэд шилжиж бид зам ч үгүй, төсөл ч үгүй болох нөхцөл рүү орох эрсдэл байсан. Нийслэлийн Засаг даргын Тамгын газар гүйцэтгэгч компанитай хэлэлцээр хийсэн.
Арбитрт хандах аюулаас холдсон. Одоо төсвийн асуудлаарх шүүхийн процесс хүлээж байна. Ер нь Улаанбаатар хотод зам хэрэгтэй. Нэгэнт төлөвлөсөн замын төсөл түгжрэлийг бууруулах үр дүнтэй байх ёстой. Төлөвлөсөн төсөл дээр трассаа өөрчилнө гэсэн нөхцөлтэй гүйцэтгэгчтэй хэлэлцээрт орсон. Гэрээндээ өөрчлөлт оруулсны дараа трассаа албан ёсоор зарлана. Байгаль орчинд ээлтэй байдлаар түгжрэлийг бууруулахад хаана ямар трасс, ямар олон түвшний уулзвар, хаана давхар зам хэрэгтэй вэ гэдгийг ярилцана" гэв.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна