Монгол Улс 2021 онд $9.25 тэрбумын экспорт хийснээс 81,3% эрдэс бүтээгдэхүүн байна

Монгол Улсын 2021 оны гадаад худалдааны урьдчилсан гүйцэтгэлийг Гаалийн ерөнхий газраас танилцууллаа. 

Өнгөрсөн онд манай улсын бараа эргэлт 16 тэрбум ам.долларт хүрсэн нь 2020 оныхоос 25% өсөж, худалдааны тэнцэл 2.4 тэрбум долларын ашигтай гарав.

Экспорт 9.3 тэрбум ам.долларт хүрч 22%, импорт 6.9 тэрбум доллар болж, 29% тус тус өсжээ.

Экспортын барааны нийт дүнд 

• эрдэс бүтээгдэхүүн 7.5 тэрбум доллар буюу 81.3%
• ургамлын гаралтай бүтээгдэхүүн 89.3 сая ам. доллар буюу 1%
• сувд, үнэт ба хагас үнэт чулуу, үнэт металл, гоёлын зүйлс 1 тэрбум ам. доллар буюу 11.1%
• хүнсний бэлэн бүтээгдэхүүн 47.1 сая ам.доллар буюу 0.5%
• нэхмэлийн материал болон нэхмэл эдлэл 370.7 сая ам.доллар буюу 4%-ийг тус тус эзэлж эдгээр нь нийт экспортын дүнгийн 97.9 хувийг эзэлжээ.

Монгол Улс дэлхийн 64 оронд бараа экспортолсноос 

• БНХАУ-д 82.6 хувь
• Швейцар-т 9.4 хувь
• Сингапурт 2.8 хувь
• БНСУ-д 2.4 хувь

тус тус ногдож нийт экспортын 97.2 хувийг дээрх орнууд эзэлж байна.