Л.Мөнхбат: МҮИС оюутнуудад хос диплом болон өөрийн гэсэн бизнесийн компанитай болох боломжийг олгож байна

Элсэлтийн ерөнхий шалгалт эхэлсэн энэ үед  ЕБС-ийн сурагчид их сургуулийн босго алхах гэж байгаа  чухал үед ямар их сургуулийг сонгох вэ гэдэг том асуудал болоод байгаа. Тэгвэл бид Монголын Үндэсний их сургуулийн Гүйцэтгэх захирал Л.Мөнхбатаас сургуулийн давуу тал боломжуудийг асуун ярилцлаа. 

Монголын Үндэсний их сургуулийн Гүйцэтгэх захирал Л.Мөнхбат: 

"ЭЕШ-ын энэ онцлог үед оюутан залуучууддаа хоёр хөтөлбөрийг санал болгож байгаа. Энэ бол Монгол залуучууд өндөр цалинтай гадаадад ажиллах хүсэлтэй байдаг. Хоёрдугаарт өөрийн гэсэн бизнес компанитай болъё гэсэн хүсэлтай байдаг. Яг энэ хоёр эрэлт хэрэгцээн дээр суурилсан боломжийг МҮИС-ийн эрдэмтэн профессор, хамт олон 10 жилийн хугацаанд бэлдэж 100 гаруй тэрбум төгрөгийг зарцуулаад энэ  жил анх удаагаа зарлаж байгаа юм. Энэ хөтөлбөрийн давуу тал нь бол нэгдүгээрт Монгол залуучууд гадаадад ажиллах дуртай байдаг. Гэхдээ өнөөдөр хэл усны боловсрол хоёрдугаарт мэргэжил таарахгүйгээс болоод гахай маллах, зэрлэг зулгаах, аяга таваг угаах, айл  нүүлгэх гээд ажил хийдэг.  

Энэ байдал дээр судалгаа хийгээд МҮИС хос дипломтой төгсөх боломжийг бий болгож байгаа юм. Хос дипломтой болно гэдэг боломж бол нэгдүгээрт өөрийн гэсэн дуртай мэргэжлээ эзэмшээд, хоёрдугаарт ирээдүйд ажиллах гэж байгаа Солонгос, Япон, Хятад, Америк, Канад зэрэг орнуудад ажиллах хүсэлтэй байдаг учраас Англи, Япон, Солонгос, Хятад хэлнхээс сонгож үзээд хос дипломтой төгсөж байгаа юм. Ингээд хос дипломтой төгсөөд очихоор манай сургуулийн мэргэжил тохирдог учраас өндөр цалинтай ажлыг хийж япон, солонгос залуучуудтай мөр зэрэгцэн ажиллах, тэгээд оффисын болон мэргэжлийн ажлаа хийж өндөр цалинтай ажиллах боломжийг олгож байгаа юм. Энэ ажлаа хийж байгаад 5-10 жил болоод Монголдоо ирэхээр мэргэжлийн дагуу ажиллаж байсан болохоор гадаадын мэргэжилтэн шиг эргэж Монголдоо орж ирээд үргэлжлүүлэн Монгол 20-30 жил үр бүтэээлтэй ажиллах энэ боломж нээгдэж байгаа юм. Хоёр дахь нь Монгол залуучууд өөрийн гэсэн бизнес компанитай болох өөрийн гэсэн хаус машинтай сайхан амьдрах хүсэлтэй байдаг. Хүн болгоны хүсэл. Яг үүнд нь тохируулаад МҮИС 10 жил бэлдээд МҮИС-д оюутан байхдаа өөрийн гэсэн бизнестэй болох, үйлдвэртэй болох боломжийг нээж байгаа юм. 10 жилийн хугацаанд 9000 метр квадрат хамтын оффис бэлдсэн. Үүнийг хажуугаар олон улсын эвент халлууд, хурлын заалууд, уулзалтын өрөөнүүд, үйлдвэрлэлийн хэсэг, контентын бизнесийн хэсэг, мөн компанийн хэсгүүд гээд бүх л зүйлийг иж бүрнээр нь цогцлуулж хийсэн. Энэ боломж дээр тулгуурлаад оюутан залуучууд маань сурахын хажуугаар өөрийн компанитай болох, үйлдвэртэй болох, ажиллуулах энд нь МҮИС-ийн хамт олон IQ өндөртэй хүүхдүүд буюу 550-аас дээш оноотой ЭЕШ-тандаа тэнцсэн хүүхдүүдийг шалгаруулан аваад Хонкогт 100 мянган доллар олгодог бизнесийн хөтөлбөрийг нэгдүгээр курст нь үнэгүй олгоод хоёрдугаар курсээс нь амжилттай төгссөн хүүхдүүдэд компанийн захирал, менежерийн албан тушаал өгөөд сар болгон 100 мянган төгрөгийн цалинтай. Гуравдугаар курсээс нь сар болгон 200 мянган төгрөгийн цалинтай, дөрөвдүгээр курсээсээ 400 мянган төгрөгийн цалин аваад хажуугаар нь өөрийн компанийн ашгаан хүртэх боломжийг бий болгож байгаа юм" гэлээ.