П.Сайнзориг: Нийгэмд болохгүй байгаа зүйлийг энгийн зүйл мэт нийтэд ойлгуулж байгаагаа урлагийнхан ойлгоосой л гэж пост бичсэн

Хошин урлагийн жүжигчдийг "АЛИАЛАГЧИД" гэж хэлсэн талаар нь тодрууллаа.

П.Сайнзориг: "Энд хүнийг ярианы хэллэг хүйсийн чиг баримжаа, ядуу ч байдаг ч юм уу эргээд тодорхой хэмжээний харагдах байдлаар доромжлох үзэгдэл нэлээн байна. Бид үүнийг яг хэвийн юм шиг ойлгодог болсон байна. 

Урлаг маань энэ зүйлийг яг хэвийн юм шиг харагдуулж, хэвийн юм шиг ойлголтыг олон нийтэд хүүхэд залуучуудад хүргэж болохгүй ээ гэдэг зүйлийг л би бичсэн. Урлаг гэдэг зүйл бас ёс зүйтэй байх ёстой, тодорхой хүнд сэдвүүдийг хөндөж байгаа бол энийг өөрөө үзэгчиддээ бас тодорхой хэмжээний хэлж, тодорхой тайзан дээр тавьдаг болно уу гэхээс биш, олон нийтийн хэвлэл мэдээллээр ч гэдэг юм уу youtube суваг дээр тавьж байгаа бүх юмнууд нь архидалтыг ч гэдэг юм уу бусад бүх зүйлүүдийг хэвийн юм шиг хошин шогийн байдлаар үзүүлж байгааг урлагийнхан маань ойлгож хүлээж авч агуулгадаа анхаараачээ гэдэг л санаагаар бичсэн юм. Түүнээс биш тэнд нэр зааж аливаа этгээдийг доромжилсон ч гэдэг юм уу тийм юм байхгүй" гэлээ.