Намдаа тэрсэлж, Засгийн шийдвэрийг "СӨРСӨН" Ц.Даваасүрэнг сайдын суудлаас нь чөлөөлөх үү

Намдаа тэрсэлж, Засгийн шийдвэрээ "СӨРСӨН" Ц.Даваасүрэнг сайдын суудлаас нь чөлөөлөх үү 

УИХ-ын гишүүдийн тоог нэмэх болон сонгуулийн холимог тогтолцооны асуудал яригдах бүрд УИХ-ын гишүүн, БХБ-ын сайд Ц.Даваасүрэн эсэргүүцсээр ирсэн. Харин өнгөрсөн лхагва/2023.05.31/ гарагт УИХ-ын чуулганы нэгдсэн хуралдаанаар УИХ-ын гишүүдийн тоог 126 болгох, холимог системийг үндсэн хуульд тусгах Үндсэн хуулийн өөрчлөлтийг баталсан. 

ҮХӨ-ийг дэмжээгүй гишүүд 

Н.Учрал /Санал хураах үеэр байгаагүй/

Д.Цогтбаатар  /Санал хураах үеэр байгаагүй/

Ж.Батсуурь  /Санал хураах үеэр байгаагүй/

Б.Дэлгэрсайхан  /Санал хураах үеэр байгаагүй/

С.Ганбаатар

Ц.Даваасүрэн

Харин тус өөрчлөлтийг зөвшөөрөөгүй хэдхэн гишүүний нэг нь Ц.Даваасүрэн байв. ҮХӨ хэлэлцэх үеэр ч, батлалцах үеэр ч, бүр тойрогтоо ажиллах, иргэдэд мэдээлэл хүргэх үеэрээ ч намын бодлого сөрж, засгийн шийдвэрийг дагаагүй юм. 

Үүнтэй нь зэрэгцэн "Ц.Даваасүрэнг сайдаас нь огцруулна" гэсэн яриа улс төрийн хүрээнд яригдсан юм. 

Ямартай ч Л.Оюун-Эрдэнийн ЗГ УИХ-ын гишүүдийн тоог нэмж, сонгуулийн холимог системтэй болох зорилгодоо хүрлээ. Намын даргын хувьд ч, Ерөнхий сайдын хувьд ч намын бодлогод тэрсэлж, ЗГ-ын шийдвэрийг сөрсөн түүнд улс төрийн хариуцлага тооцож сайдын суудлаас нь буулгах уу, толгойг нь илээд үлдээх үү гэдэг асуулт урган гарч байна.