Допинг илэрсэн бөхчүүдийн цолыг өнөөдөр хураах уу

Ардын хувьсгалын 98 жилийн ойн Үндэсний их баяр наадмын хүчит бөхийн барилдааны шөвгийн 16-д үлдсэн хоёр бөхөөс сэргээшийн төрлийн бодис илэрсэн тухай өнгөрсөн наймдугаар сард мэдээлж байсан. Энэ хэрэгтээ холбогдуулж наадмын түрүү бөх Улсын аварга Э.Оюунболд өөрийг нь гүтгэсэн хэмээн өөрийн сошиал хуудсаар дамжуулан мэдэгдэж байсан билээ. Харин нөгөө бөх нь шинжилгээний дүнгээ хүлээн зөвшөөрөөгүй учраас Б сорьцын шинжилгээ хийлгэсэн. 

Тэгвэл дээрх асуудлаар Баяр наадам зохион байгуулах хорооны дарга, Шадар сайд Ө.Энхтүвшин өчигдөр сэтгүүлчдэд хариулт өгөхдөө “Бөхчүүдийн допингийн асуудлаар маргааш хуралдана. Бид хоёр юм хүлээж байсан. Допинг илэрсэн хоёр бөхийн нэг нь Б сорьцын шинжилгээ өгнө гэсэн бол нөгөөх нь өгөхгүй гэсэн. Нэг бөхийн Б сорьцын шинжилгээний хариу ирсэн. Улсын аварга Э.Оюунболдын хувьд хуулийн байгууллагад хандсан байсан нь буцаж байгаа юм билээ. Тиймээс маргааш Үндэсний хорооны хуралдаан болж, шийдвэрээ гаргана. Хуралдаанаар Үндэсний бөхийн салбар комиссын саналыг хэлэлцэнэ. Тэндээс бөхчүүдийн цол хураах, барилдах эрхийг хасах, өвдөг шороодсон бөхчүүдийн цол, чимгийг нэмэх зэрэг асуудлыг Ерөнхийлөгчид өргөн барина. Ерөнхийдөө Ерөнхийлөгч бөхчүүдийн барилдах эрхийг хасах, цол бууруулах талаар шийднэ” гэлээ. 

Дашрамд дурьдахад, 2003 онд баталсан Үндэсний их баяр наадам зохион байгуулах тухай хуульд зааснаар, шөвгийн 16-д үлдсэн бөхөөс заавал сэргээшийн шинжилгээ авдаг байхаар зохицуулжээ. Энэ жилийн баяр наадмыг зохион байгуулах комисс тав буюу түүнээс дээш давж шөвгөрсөн бөх өвдөг шороодсоны дараа, үзүүр түрүүний бөхийн барилдаан дууссаны дараа 30 минутын дотор сэрээшийн шинжилгээнд хамруулсан байна. Энэхүү шинжилгээг Олимпийн хороо, Биеийн тамир спортын газар, Допингийн эсрэг үндэсний төв, Бөхийн салбар хороо хамтран авсан аж. 

Сэтгэгдэл (3)
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2019.10.27
66.181.187.13
Зочин

ЗӨВ ЗӨВ ЗӨВ

2019.10.27
66.181.187.13
Иргэн

Ард түмнийг хуурсан хогийн шээсүүдийг зайлуулах хэрэгтэй !

2019.10.27
66.181.187.13
Иргэн

ХУРААХ ЁСТОЙ ЗӨВ ДЭМЖИЖ БНА