МУУГЗ, тус сургуулийн багш Н.Буянбаатар: “Гаргаад ир, би басаж байна”

Монгол Улсын Консерваторийн хашаанд Боловсролын үнэлгээний төв барихаар болсныг багш, оюутнууд эсэргүүцэж байгаа билээ. БШУ-ны сайд Л.Энх-Амгалан өчигдөр Монгол Улсын Консерваторын хашаанд барих барилгын ажлын талаар мэдээлэл хийсэнтэй холбогдуулан өнөөдөр тус сургуулийн багш нар хэвлэлийнхэнд хандлаа. 

Энэ талаар Урлагийн гавьяат зүтгэлтэн, МУК-ын багш Н.Буянбаатар "Нэгдүгээрт, Монгол Улсын Консерваторын зарим удирдлагын зүгээс анх сургууль өргөтгөх, цаашлаад цогцолбор барьж, бага зайд Боловсролын үнэлгээний төв барих гэрээнд анх гарын үсэг зурсан. Уг гэрээг хүчингүй болгохыг шаардаж байгаа. Хоёрдугаарт, Худлаа мэдээлэл өгч эрх зүйн чадамжгүй хүмүүсээр буруу ойлголт төрүүлэн гэрээнд гарын үсэг зуруулсан үүрэг гүйцэтгэгч н.Пүрэвхүүг огцруулахыг шаардаж байна. Гуравдугаарт, Удирдах зөвлөлийн гишүүд болсон төрийн төлөөлөл Боловсролын тухай хуульд заасан үүргээ гүйцэтгэж чадахгүй байгаа тул тэднийг солиоч ээ гэдэг асуудал тавьсан" гэдгийг хэллээ.

Мөн уг хийсэн мэдээллийнхээ төгсгөлд “Энэ сургууль Монголд цорын ганц тусгайгийн тусгай оцгойгийн онцгой эрхтэй байгууллага . Энийг төр харж чадахгүй юм бол төр гэж байх хэрэг юу байгаа юм бэ. Хууль батлах ямар хэрэгтэй юм бэ. Тэр хуульд  чинь юу гэж байгаа юм. Боловсролын төрийн захиргааны байгууллага нь харьяа байгууллагынхаа төсвийн юугаар санхүүждэг цорын ганц сургуулийнхаа газрыг дээрэмдэж болно оо гэж хууль байгаа юм уу. Гаргаад ир би басаж байна. Хууль бүх хүнд Монгол улсын газар нутаг дээр гадаадын харьяат ч байсан аж ахуйн нэгж  ч байсан төрийн өмчит компани ч байсан хууль үйлчлэх ёстой. Төрийн өндөр албан тушаалтан байсан ч хууль үйлчлэх ёстой.Бид нарыг нэг До Ре-гоосоо өөр юм мэддэггүй донгио малууд гэж бодсон юм уу. Битгий солиор гэж хэлмээр байна” гэв.

Б.Мягмарболор