Улаанбаатарт 773, орон нутагт 1,691, зөөвөрлөгдсөн гурван тохиолдол батлагдаж, зургаан хүн нас барлаа


Монгол Улсад сүүлийн 24 цагийн хугацаанд шинээр 2,467 хүнээс коронавирусийн халдвар илэрлээ. Ингэснээр нийт бүртгэгдсэн тохиолдол 201,746 болж нэмэгдэв.

Шинээр илэрсэн тохиолдлуудаас 3 нь гаднаас зөөвөрлөгдсөн бол 2,464 нь дотоодын халдвар байна.

Дотоодод бүртгэгдсэн халдварыг задалж танилцуулбал,

  • 773 нь нийслэл хотод,
  • 1,691 нь орон нутагт бүртгэгджээ.

Мөн хугацаанд 1,465 иргэн эдгэрч, эмнэлгийн болон гэрийн ажиглалтаас гарчээ.

Харин коронавируст халдварын улмаас 21-80 гаруй насны зургаан хүн нас барсан харамсалтай мэдээлэл байна. 

Өнөөдрийн байдлаар уг өвчний хүндрэлээр нийтдээ 919 хүн эндээд байна.

Талийгаачдын гэр бүл, төрөл төрөгсдөд гүн эмгэнэл илэрхийлье.

Одоогоор коронавируст халдварын улмаас улсын хэмжээнд 12,106 гаруй иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 12,036 хүн Өрхийн эмчийн хяналт дор гэрээр эмчлүүлж байгаа.

Эмнэлэгт хэвтэн эмчлүүлж буй иргэдийн биеийн байдлыг үнэлбэл:

  • Хөнгөн – 7,123
  • Хүндэвтэр- 3,813
  • Хүнд – 991
  • Маш хүнд - 179 хүн байна.



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна