Э.Бат-Үүлд холбогдох эрүүгийн хэргийн шүүх хуралдааныг найм дахь удаагаа хойшлууллаа

2020 оны 09 сарын 30

Э.Бат-Үүл нарын 11 хүнд холбогдох эрүүгийн хэргийн шүүх хуралдааныг хүндэтгэн үзэх шалтгааны улмаас хойшлууллаа. Ийнхүү найм дахь удаа хойшлуулаад буй шүүх хуралдааны шинэ товыг аравдугаар сарын 28-ны 10 цагт товлосон байна.

Өчигдөр буюу есдүгээр сарын 29-ний өдөр зарлагдсан шүүгч П.Ариунболд, Б.Халиун, Д.Ренченхорол нарын бүрэлдэхүүнтэй шүүгдэгч М.Гаамаа нарт холбогдох хэргийн шүүх хуралдаан үргэлжилж байгаа тул Эрүүгийн хэрэг хянан шийдвэрлэх тухай хуульд "шүүх хуралдааныг хойшлуулах хүндэтгэн үзэх бусад шалтгаан бий болсон" гэж заасны дагуу хойшлууллаа.

Мөн шүүгдэгч Л.Нарантуяагийн өмгөөлөгч Ж.Гантулга, Л.Данзанноров, Ж.Наранбаяр нарын гаргасан “...шүүгдэгч Л.Нарантуяагийн хөл хугарсан оноштой шүүх хуралдаанд олон өдөр оролцох боломжгүй нөхцөл байдал үүсээд байх тул 2020 оны 10 дугаар сарын 20-ны өдрөөс хойш товлож өгнө үү...” гэх хүсэлт болон бусад оролцогчийн хүсэлтийг харгалзан шүүх хуралдааныг ирэх сарын сүүлээр товлосон юм.

Сэтгэгдэл (4)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 10 сарын 02
202.9.46.115
иргэн

манай хамгийн их дампуурсан бай-га бол шүүх,тэдэнд хууль хамаагүй.

2020 оны 10 сарын 02
202.9.46.115
иргэн

Саарлыг 8 удаа хойшлуулаад аргалж байгаад зүгээр өнгөрөөх санаатай байгаа шүүхийнхнийг яалтай билээ,шүүх санаатай худлаа шалтгаар хойшлуулж бна,энгийн иргэн байсан бол эхнийхээр яваад одоо дуусч байгаа.

2020 оны 09 сарын 30
64.119.23.27
Иргэн

Шүүхэд дүрэм журам байдаггүй юмуу яагаад 8 удаа буцдаг юм монголд хуульгүй улс болсиймуу шүүхийн ерөнхий зөвлөл юу хийдэг улс юм дээд шүүх ажилаа ингэж хийдэг байнауу

2020 оны 09 сарын 30
64.119.17.220
Иргэн

Ингэж ингэж замхарна.Жирийн иргэн байсан бол эхний жилээ гүйцээж байгаа.Мөнгө ялна