Монгол, Франц Улсын Засгийн газар “Эрдэнэс Монгол” ХК, Францын “Орано майнинг” компанийн хооронд байгуулагдах хөрөнгө оруулалтын гэрээг маргааш б атлах гэж байгаа билээ. Үүнтэй холбоотойгоор “Бадрах энержи” компанийн Монголын талын 34 хувийг эзэмшигч “Мон Атом” компани хэвлэлийн бага хурал хийлээ.
Хуралд компанийн гүйцэтгэх захирал Д.Далайжаргал, физикийн ухааны доктор Н.Тэгшбаяр тэргүүтнүүд оролцов.
Доктор Н.Тэгшбаяр “Уран бол цацраг идэвхт ашигт малтмал. Энэ утгаараа ураныг эрэх, хайх, олборлох, тээвэрлэхтэй холбоотой үйл ажиллагаа Монгол Улс болон олон улсын Атомын энергийн агентлагаас баталсан дүрэм журмын дагуу явагдана.
Өнгөрсөн хугацаанд Монгол Улс газар доор уусган баяжуулах аргаар технологийн туршилт хийж 10,000 тонн уран олборлосон. Дэлхий дээр хийж байгаа бүх олборлолтын 60 хувьд энэ аргыг ашиглаж байгаа.
Цацрагийн хордлого үүссэн нэг ч жишээ дэлхий нийтэд тэмдэглэгдээгүй байна. Манай улсад ч ийм асуудал болохгүй гэдгийг мэргэжлийн хүний хувьд хэлэхийг хүсэж байна” гэв.
МонАтом компанийн Гүйцэтгэх захирал Д.Далайжаргал “Тус хөрөнгө оруулалтын гэрээнээс олох өгөөж +50 буюу өгөөжийн Монголын ард түмэн хүртэнэ. Монголоос авсан шар нунтаг ойрын 50-60 жилдээ Европын орнуудад эрчим хүч болж очно” гэлээ.
Мөн “Мон Атом” ХК-ийн мэргэжилтэн Я.Ганболд “Уранаас болж мал өвчлөлтэй болсон гэх асуудлыг олон жил ярьж байгаа. 2012 оноос хойш найман удаагийн судалгаа шинжилгээ хийхэд малын өвчлөлийн шалтгаан нь уран гэдэг дүгнэлт гараагүй” гэж мэдэгдлээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
122.201.31.196
Эсэргүүцэж байн
Хариулах