Монгол Улсын засгийн газрын өнөөдрийн /2025.04.02/ хуралдаанаас гарсан шийдвэрийг танилцууллаа.
Боловсролын сайд П.Наранбаяр "Энэ удаагийн Засгийн газрын хуралдаанаар нэгэн чухал шийдвэр гарлаа. 2026 оныг боловсролыг дэмжих жил болголоо.
Ерөнхий сайдын манлайлал дор энэхүү санаачилга хэрэгжихээр болж байна. Тохой залгаж сууж байгаа Засгийн газрын гишүүддээ талархал илэрхийлье.
Боловсрол бол өөрөө салбар дундын шинжтэй. Боловсрол бол ирээдүй. Боловсролоос бүх зүйл хамаарч байдаг. Боловсролдоо хөрөнгө оруулалт хийж чадвал манай эдийн засгийн өсөлт 30 хувьд хүрэхэд ойрхон байна.
Ийм учраас 2023 онд Боловсролын багц хуулийг тухайн үеийн гишүүд, тухайн үеийн Засгийн газрын гишүүдийн манлайлал дор энэ ажил явсан. Боловсролыг дэмжих жил болгосноороо зургаан шинэчлэлийг төгөлдөржүүлнэ.
Хөтөлбөрийн шинэчлэл, үр дүнд суурилсан санхүүжилтийн шинэчлэл, цахимын шинэчлэл, багшийн гурван тулгуурт бодлого, багшийг дэмжих бодлого, цахим шилжилт гэх мэт үндсэн бодлогоыг төгөлдөржүүлнэ.
Үүний зэрэгцээ хамгийн гол нь бид ЕБС, цэцэрлэгийн хүртээмж, хөрөнгө оруулалтыг нэмсэн жил байх болно гэж харж байна" гэлээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна