Ерөнхий сайд Л.Оюун-Эрдэнэ бүрэн эрхийнхээ хүрээнд Засгийн газрын хуралдаанд АТГ-ын дарга З.Дашдавааг улираан томилох улираан томилохыг дэмжсэн саналаа танилцуулсан. Түүний томилгоо болон цаг үеийн асуудлаар АТГ-ын дарга З.Дашдаваагаас зарим зүйлийг тодрууллаа.
Тэрбээр "Ерөнхий сайд авлигатай хийх тэмцэлд хамтран ажиллахаар санал гаргасан гэж бодож байна. 5Ш-ийн хөтөлбөр сайн хэрэгжсэн. Дандаа муу юмаа ярихаас илүү болж бүтэж байгаагаа ярих хэрэгтэй.
Таван жилийн өмнө төрийн албанд төрийн албаны сонгон шалгаруулалтад ороогүй хүмүүс ажилладаг байсан бол өнөөдөр Монгол Улсад төрийн албанд сонгон шалгаруулалт өгөөгүй, тэнцээгүй хүн ажиллахаа больсон. Энэ бол дэвшил шүү дээ.
Өнгөрсөн хугацаанд бид том хэргүүдийг шийдсэн. Тухайлбал, “Эрдэнэт”-ийн 49, нүүрс, Хөгжлийн банкны хэргийг нэрлэж болно. Хөгжлийн банкны хэрэг дээр сэтгүүлчид, олон нийт хамтдаа тэмцсэнээр дампуурлаас нь аварч, өнөөдөр 500 сая орчим ам.доллар, 30 сая иенийг Хөгжлийн банкинд төлж дуусгасан байна. Үүнд манай байгууллагын оролцоо их байсан. Авлигын том хэргүүд шийдэгдсэнийг иргэд ярьж байна.
Цаашид авлига буурна гэсэн өөдрөг төсөөлөлтэй байгаа. Авлигын төсөөллийн индексээр манай улсад 5-6 зөвлөмж өгсөн. Энэ зөвлөмжийг Авлигатай тэмцэх үндэсний хөтөлбөрт шингээгээд УИХ-аар 2023 онд батлуулсан. Хэрэгжүүлэх ажлын төлөвлөгөөг Засгийн газраар УИХ-д өргөн бариулаад батлуулсан. Ирэх жилээс авлига буурсан байх болно" гэлээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна