Улсын их хурлын чуулганаар АТГ-ын дарга З.Дашдавааг улираан томилох асуудлыг хэлэлцэж байна.
Энэ үеэр гишүүд АТГ-ын дарга З.Дашдаваа болон Ерөнхий сайд Л.Оюун-Эрдэнээс асуулт асууж хариулт авлаа.
УИХ-ын гишүүн Ө.Шижир: "Авлига нь хэт их эрх мэдлийн төвлөрөл, баялгийн шударга бус хуваарилалтаас эхэлдэг гэж боддог. Тиймээс АТГ соён гэгээрүүлэх үүргээ илүү ухамсарлаж ажиллахыг хүсэж байна.
Мөн улс төрийн намын санхүүжилтийг заавал ярих ёстой. Намын санхүүжилт нь хуульчлагдсан авлига гэж хэлж болно.
Нэг жишээ авч ярихад УИХ-д суудалтай ХҮН нам нь нэг тэрбум 45 сая төгрөгийг сонгуулиар авсан байна. Үүнийхээ нэг тэрбум 45 сая төгрөгийг зөвхөн нэг компани, түүний хамаарал бүхий 37 охин компаниас авсан байгаа юм.
Нийт санхүүжилтийн 98 хувийг нэг компаниас авсан. Энэ бол хуульчилсан авлига шүү. Ийм заваан жишээ дэлхий дахинд байхгүй. Тэгэхээр улс төрийн намын санхүүжилтэд АТГ анхаарч ажиллахыг хүсэх байна. Үүнийг цохож хэлэх гэсэн юм" гэлээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна